დაგეგმილი სამი ქულის მოპოვება, ისევ ვერ შეძლო "იუნაიტედის" დამრიგებელმა ჟოზე მოურინიომ. გუშინდელ შეხვედრაში, წითლებმა ოლდ ტრაფორდზე "ბარნლის" უმასპინძლეს. გასული ტურის მსგავსად "ლესტერის" წინააღმდეგ, წითელ ეშმაკებმა ეს თამაშიც ფრედ დაასრულეს და ლიდერ "სიტისთან" ჩამორჩენა უფრო გაზარდეს, რითაც საჩემპიონო ტიტულის მოპოვებისთვის ბრძოლაში მნიშვნელოვნდ გაირთულეს მდგომარეობა.

"ბარნლისთან" დაპირისპირება, ნამდვილად წარმატებული აღმოჩნდა "იუნაიტედის" 25 წლის ნახევარმცველ ჯესი ლინგარდისთვის. ლინგარდი შეხვედრის მეორე ნახევარში მოგვევლინა მოედანზე, მან წითლების შვედი ფეხბურთელი ზლატან იბრაჰიმოვიჩი ჩაანაცვლა, რომელიც ამ შეხვედრაში უჩვეულო პოზიციაზე გამთამაშებლად მოგვევლინა.

მოგეხსენებათ შეხვედრა ფრედ ანგრიშით 2-2 დასრულდა. მასპინძელთა მხრიდან ორივე გოლი სწორედ ლინგარდის ანგარიშზეა. რომელმაც შესანიშნავად ითამაშა და საკუთარი გუნდი მარცხისგან იხსნა. შეხვედრის დასრულების შემდეგ, ჯესიმ ჟურნალისტებისთვის მიცემულ ინტერვიუში განაცხადა, რომ მის გუნდს გამარჯვების მოპოვება შეეძლო.

"ცხადია შეხვედრის საბოლოო შედეგს ჩვენთვის უარყოფითი ემოციებვის მოტანა მოჰყვა. ჩვენ გოლის გასატანად ბევრი მომენტები შევქმენით, გვქონდა შანსები იმისთვის, რომ 3 ქულა მოგვეპოვებინა. "იუნაიტედი" დომინირებდა მოედანზე, ამიტომ ჩვენ საბოლოო ანგარიშით უკმაყოფილოები ვართ. რაც შემეხება მე, მოხარული ვარ იმით, რომ გუნდს ჩემი გატანილი გოლები დაეხმარა.

რაც შეეხება იმას, რომ მძიმე გრაფიკი გვაქვს, ჩვენ გვსიამოვნებს თამაში და სწორედ ამ განცდით გავდივართ მოედანზე. დაღლილობას რაც შეეხება გუნდს აქვს როტაციის შესაძლებლობა მაშინ როდესაც ეს დაჭირდება".- განაცხადა დასასრულს გუშინდელი დუბლის ავტორმა.



წყარო: euro-football.ru