"იუნაიტედის" ყოფილმა კაპიტანმა, გარი ნევილმა თავი ვერ შეიკავა და"ლესტერთან" 94-ე წუთზე გაშვებული გოლის შემდეგ მიკროფონი გატეხა.
"უბრალოდ ვერ დავიჯერე, ის რაც დავინახე. 6 წელია „მანჩესტერ იუნაიტედის“ თამაშებს კომენტარს ვუკეთებ და ასეთი რამ არასდროს დამმართნია. ავიღე მიკროფონი და იატაკზე დავანარცხე.
ბევრი მომენტი მინახავს, სტადიონზე ვიყავი, როდესაც აგუერომ დამატებულ დროში გოლი გაიტანა, ვუყურებდი ვან პერსის გოლს ბოლო წუთებზე "ეტიჰადზე", ვნახე მარსიალის გოლი "ლივერპულის" კარში. ყოველთვის ვახერხებდი შემეკავებინა ემოციები და პირველად ამ 6 წლის განმავლობაში დავკარგე თვითკონტროლი იმის გამო, რომ ჩემმა გუნდმა გოლი გაუშვა. უბრალოდ ვერ ვიჯერებდი.
დავინახე, რომ სმოლინგმა ტრავმა მიიღო გოლამდე ექვსი წუთით ადრე. ის გამოცდილი მცველია და მაშინვე აჩვენა გუნდის წევრებს, რომ პრობლემა ჰქონდა. ამ სიტუაციაში ლინდელოფი ცენტრში უნდა შეწეულიყო, ხოლო ერერა დაცვის ფლანგზე დამდგარიყო.
მაგრამ ეს არ ხდებოდა 2-3 წუთის განმავლობაში. ჯონსმა დაინახა, რომ არაფერი შეცვლილა და შეეცადა ლინდელოფი ცენტრში შეეწია და ერერა ფლანგზე გადაეყვანა. მაგრამ ერერა არ წავიდა მარჯვნივ, მან მხითარიანს დაავალა ფლანგზე თამაში. სმოლინგი მოედნიდან გავიდა და დაბრუნდა, მაგრამ პრობლემა არსად გამქრალა. იანგმა მაგუაიერი აიყვანა, რომელიც "ლესტერის" რიგებში თავით საუკეთესო მოთამაშეა.
ეს იყო სრული ქაოსი და დეზორგანიზაცია, "იუნაიტედს" დააკლდა ლიდერის თვისებები მატჩის ბოლოს, რომლის მოგებაც დაიმსახურეს".- განაცხადა დასასრულს ნევილმა
წყარო: manutd.ru
ინტერვიუები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.