პრემიერ ლიგის მე-18 ტურში, ისევე როგორც წინა ტურის მსგავსად სიტუაცია უცვლელია, "სიტი" ცხრილს დამაჯერებლად 52 ქულით ლიდერობს, ხოლო მის მდევარ "იუნაიტედს" 41 ქულით მყარად მეორე ადგილი უკავია, მათ შორის სხვაობა კი არცთუ ისე მცირეა და 11 ქულას შეადგენს.
აღნიშნულ სიტუაციაზე ჟურნალისტებისთვის მიცემულ ინტერვიუში, წითლების ინგლისელმა ნახევარმცველმა ჯესი ლინგარდმა ისაუბრა. მისი აზრით ნებისმიერ სხვა სეზონში, "მანჩესტერ იუნაიტედი" 41 ქულით ცხრილის სათავეში იქნებოდა.
"ვფიქრობ, რომ ნებისმიერ სხვა რომელიმე სეზონში, 18 ტურის შემდეგ 41 ქულიანი მონაგარით "იუნაიტედი" ცხრილის სათავეში იქნებოდა. ამ ეტაპზე დაგვრჩენია მხოლოდ ერთი რამ, მაქსიმალურად ყველა დარჩენილ შეხვედრაში მივაღწიოთ წარმატებას და განვაგრძოთ წარმატებული სვლა, ხოლო სეზონის დასასრულს გამოჩნდება თუ რა შედეგებს დავდებთ.
ჩვენი მთავარი მიზანი იქნება ის, რომ სეზონის ყველა დარჩენილი შეხვედრა მოვიგოთ და ცხრილში მხოლოდ 3 ქულა ჩავიწეროთ თითოეული მატჩიდან. ჩვენ ხანდახან ვთამაშობდით ცუდად მაგრამ გავიმარჯვეთ, მომხდარა ისეც, რომ გვითამაშია კარგად და დავმარცხებულვართ. ეს ფეხბურთის ერთ-ერთი თვისებაა".- ციტირებს კლუბის ოფიციალური პრეს-სამსახური ჯესი ლინგარდის სიტყვებს.
მიმდინარე სეზონში ჯესი ლინგარდის ანგარიშზე, ყველა ტურნირზე 7 გოლი და 4 საგოლე გადაცემაა. პრემიერ ლიგის მე-19 ტურის შეხვედრაში "იუნაიტედი" სტუმრად "ლესტერს" დაუპირისპირდება.
წყარო: euro-football.ru
ინტერვიუები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.