წითლების ყოფილი კაპიტანი და "იუნაიტედის" ისტორიაში ერთ-ერთი საუკეთესო ფეხბურთელი უეინ რუნი ბრიტანელი ჟურნალისტების მიერ გამოთქმულ განცხადებებს გამოეხმაურა, იმის შესახებ, რომ პრემიერ ლიგის ისტორიაში წლევანდელი "სიტი" ყველაზე ძლიერი გუნდია აღნოშნული ტურნირის ისტორიაში.
"ისტორიაში საუკეთესო? მე ამ თემაზე განსხვავებული მოსაზრება მაქვს. ასეთი ხმამაღლი შეფასების მისაღებად, მათ ჯერ კიდევ ბევრი ტიტული აქვთ თანმიმდევრობით მოსაგები. პირადად მე პრემიერ ლიგის ისტორიაში საუკეთესო გუნდს, 2008 წლის "მანჩესტერ იუნაიტედს" დავასახელებდი.
წლების მანძილზე, პრემიერ ლიგაში ბევრი კარგი გუნდი იყო და როდესაც "ისტორიაში საუკეთესოს "სიტის" ვუწოდებთ, არ დაგვავიწყდეს, რომ მათ ტიტულები თანმიმდევრობით წლების განმავლობაში უნდა მოიგონ.
რასაკვირველია, რომ გვარდიოლას გუნდს აქებთ, მისი გუნდი დაუჯერებლად თამაშობს. თუმცა მე არ ვფიქრობ, რომ ისისნი დაუმარცხებლები იქნებიან მთელი სეზონის მანძილზე".- ციტირებს The Daily Mail "იუნაიტედის" ყოფილი კაპიტნის სიტყვებს.