მოახლოვდა ზამთრის სატრანსფერო ფანჯარა, რის შემდეგაც ფეხბურთელები სურვილისამებრ კლუბს გამოიცვლიან, ამ ფაქტზე კომენტირებისას, ჟოზე მოურინიომ თავის ფეხბურთელებზე ისაუბრა და განაცხადა, რომ ვისაც თავისი გუნდიდან წასვლა სურს, ის წინააღმდეგი ნამდვილად არ იქნება.
ჟოზემ ასევე განაცხადა, რომ ის დაიცავს თავის ერთ უბრალო პრინციპს - თუ გუნდში ფეხბურთელი უკმაყოფილოა და ნებისმიერი რომელიმე სხვა კლუბიდან შესაფერისი შემოთავაზება მოდის, რომელიც ფეხბურთელს აწყობს, ამ დროს ის ამ გადაწყვეტილებას წინააღმდეგობას არ გაუწევს.
"როგორც მწვრთნელი, რომელიც კლუბზე ფიქრობს, მზად ვარ, რომ ჩემი გუნდიდან ფეხბურთელი გავუშვა გუნდისთვის ხელსაყრელ ფასად. თითოეულ ფეხბურთელს აქვს თავისი განსაზღვრული ფასი. თუ ფეხბურთელი გუნდში მისი მდგომარეობით უკმაყოფილოა, ჩვენ მის შესახებ მივიღებთ ნებისმიერ წინადადებას, რომელიც ჩვენთვის მისაღები და ხელსაყრელი იქნება.
როგორც ეს მოხდა მემფის დეპაის და მორგან შნეიდერლინის შემთხვევაში. ამ დროს მე არასდროს ვეტყვი ფეხბურთელს, რომ ის არ წავიდეს გუნდიდან და დარჩეს ჩვენთან". ციტირებს Sky Sports განსაკუთრებულის სიტყვებს.
შეგახსენებთ, რომ წასვლის უმთავრეს პრეტენდენტებს შორის ზამთრის სატრანსფერო ფანჯრის გახსნის დროს არიან: ჰენრიხ მხითარიანი და მარუან ფელაინი.
წყარო: manutd.ru
ინტერვიუები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.