მიუხედავად კატალონიელების ინტერესისა მესუთ ოზილის მიმართ, ფეხბურთელი არ აპირებს შემოთავაზებაზე დალოდებას და გადაწყვეტილება უკვე მიღებული აქვს. როგორც ჩანს ფეხბურთელის "იუნაიტედში" გადასვლის სურვილი ძალიან დიდია.
"წითელი ეშმაკები" ყურადღებით აკვირდებიან სიტუაციას, ისინი მზად არიან ფეხბურთელის მიერ მოთხოვნილი ხელფასი, კვირაში 300 ათასი ფუნტი სტერლინგი შესთავაზონ მას. სატრანსფერო ღირებულება ჯერჯერობით უცნობია.- იუწყება Daily Mail
29- წლის შემტევ ნახევარმცველს, აქამდეც უმუშავია "იუნაიტედის" ამჟამინდელ დამრიგებელთან, ჟოზე მოურინიოსთან "რეალ მადრიდის" შემადგენლობაში. მესუთი მეთოფეების ღირსებას 2013 წლიდან იცავს. მისი წასვლის შესახებ აქამდე არსებული ჭორებიც მეტყველებდნენ, თუმცა როგორც ჩანს მას გუნდის გამოცვლა მკაცრად აქვს გადაწყვეტილი.