ჟოზე მოურინიომ განმარტა თუ რატომ ვერ ეხმარება ამ ხნის განმავლობაში გუნდს კოტ'დივუარელი ფეხბურთელი ერიც ბაილი და განაცხადა რომ მისი ტრავმა სერიოზული აღმოჩნდა. ბაილის ტრავმა ტერფის არეში აღმოაჩნდა მას შემდეგ რაც ეროვნული ნაკრების რიგებიდან დაბრუნდა, ხოლო საკითხი უკვე შემდეგნაირია იუნაიტედის ლაზარეთში არკვევენ არის თუ არა საჭირო ოპერაციული ჩარევა.
"ვფიქრობ, რომ მისი ტრავმა სერიოზულია. ნამდვილად არ ვიცი, რა დრო დაჭირდება ამ ტრავმის მოშუშებას. შეგახსენებთ, რომ ეს ტრავმა მან ეროვნულ ნაკრებში მიიღო, ამ ეტაპზე გვსურს, რომ მას ტრავმაზე მკურნალობა კონსერვატიული მეთოდებით ჩაუტარდეს. თუ ამ მკურნალობამ შედეგი არ გამოიღო, ესეიგი საქმე უფრო რთულადაა და ოპერაცია გახდება საჭირო, თუმცა წინასწარ ვერაფერს გეტყვით, დაველოდოთ მოვლენების განვითარებას.
მისი ტრავმის სირთულე? მე ნამდვილად ვერაფერს გეტყვით, ექიმი არ ვარ, მხოლოდ ექიმებს შეუძლიათ ამ საკითხზე ამომწურავი პასუხების გაცემა. მე არ ვაპირებ არაფრის დამალვას, უბრალოდ ამ საკითხზე საუბარი არ შემიძლია.
დასრულდა თუ არა სეზონი ბაილისთვის ვერ გეტყვით, მე არ შემიძლია ვიყო პესიმისტი. ამას ექიმები გადაწყვეტენ. ჩვენ მისი ჩანაცვლება შეგვიძლია, დღეს სმოლინგმა და ჯონსმა ითამაშეს, ხოლო სათადარიგო სკამზე კიდევ ორი მცველი დეილი ბლინდი და ვიქტორ ლინდელოფი არიან. როხომ ტრავმა მიიღო თუმცა სერიოზული არაფერია.
სეზონს რაც შეეხება, ჩვენ პრობლემები გვქონდა ცენტრალურ მცველებთან დაკავშირებით. გუნდში ყოველთვის არის 4-5 ფეხბურთელი აღნიშნულ პოზიციაზე სათამაშოდ, კრის სმოლინგი უკვე ზედიზედ რამოდენიმე მატჩია კარგად გამოიყურება, აქედან გამომდინარე საპრობლემო ამ ეტაპზე არაფერია".- ციტირებს ჟოზეს სიტყვებს კლუბის ოფიციალური ვებ საიტი.
წყარო: manutd.ru
ახალი ამბები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.