კვირას ''ოლდ ტრაფორდზე'' გაიმართება მორიგი დერბი ''იუნაიტედსა'' და ''სიტის'' შორის. ორივე გუნდი წელს პრემიერ ლიგაში გამორჩეულად ასპარეზობს და საჩემპიონო რბოლის თვალსაზრისით ამ მატჩს, ძალიან დიდი მნიშვნელობა და დატვირთვა აქვს. ''მანჩესტერ იუნაიტედს'' შეიძლება ითქვას მოგება ძალიან სჭირდება, რადგან შეამციროს სხვაობა და კიდევ უფრო აქტიურად ჩაერთოს ტიტულისთვის ბრძოლაში. ეს შეხვედრა კიდევ უფრო საინტერესოა, თუ გავითვალისწინებთ ჟოზე მოურინიოსა და გვარდიოლას დაპირისპირებას. ფაქტია, ორივე გუნდი გამორჩეულია, ორივე გუნდი ბრწყინვალე ფორმაშია და კვირას დიდი სანახაობა გველის.
ჟოზე მოურინიოს აზრით, ''იუნაიტედიც'' და ''სიტიც'' წელს, უკეთეს ფორმაში არიან შარშანდელთან შედარებით. კითხვაზე, რამდენად კარგია ''სიტის'' თამაში წელს, ჟოზემ უპასუხა, რომ ''ძალიან კარგი'' ''ჩვენ უკეთესი გუნდი ვართ ვიდრე შარშან ვიყავით, ამაში ეჭვი არაა, თუმცა ''სიტიც'' გაცილებით ძლიერია წელს, ვიდრე გასულ სეზონში.''
დერბი ''იუნატედს'' დიდ იმედს აძლევს ქულათა შესამცირებლად. ისინი ეცდებიან აუცილებლად მოიგონ და დააკარგვინონ მათ მთავარ მეტოქეს ქულები, რომლებმაც მიმდინარე სეზონში შესაძლო 45 ქულიდან, მხოლოდ 2 დაკარგეს. მოურინომ იცის, რომ ეს დიდი შანსია მისი გუნდისთვის. ''ჩემთვის ეს არის მორიგი დიდი მატჩი, ამ სეზონში ორ ყველაზე ძლიერ გუნდს შორის. პირველ ადგილზე მყოფი უპირისპირდება მეორეს. ეს მართლაც დიდი მატჩია. მე არ მჭირდება იმის შეხსენება, რომ დერბი განსაკუთრებულია ხალხისთვის, მე ეს ვიცი. ჩვენთვის საბოლოოდ ეს არის 3 ქულა, თუმცა ჩემი აზრით კვირას მართლაც განსაკუთრებული სანახაობა იქნება.''
''არსენალთან'' მიღებული წითელი ბარათის გამო, ხვალ პოლ პოგბა მატჩში მონაწილეობას ვერ მიიღებს. გაურკვეველია იქნება თუ არა მზადყოფნაში ბელგიელი მარუან ფელაინი. ერიკ ბააის და მაიკლ კერიკს ტრავმა ჯერ კიდევ აწუხებთ და ისინი გუნდს ვერ დაეხმარებიან. ''იუნაიტედს'' დაუბრუნდა შვედი ფორვარდი ზლატან იბრაჰიმოვიჩი და ჯონსი, მათ შეუძლიათ ხვალ ითამაშონ. ჟოზემ კომენტარი გააკეთა ნემანია მატიჩზე, რომელზეც თქვა, რომ მას ტრავმა აწუხებს, თუმცა ხვალ თამაშს მაინც შეძლებს.
მოგეხსენებათ, რამდენიმე დღის წინ ''სიტის'' თავკაცმა პეპ გვარდიოლამ განაცხადა, რომ დავიდ სილვას ტრავმა ჰქონდა და მატჩში მონაწილეობას ვერ მიიღებდა. ჟოზე ამ ფაქტს მალევე გამოეხმაურა და თქვა, რომ ამ ინფორმაციის არ სჯეროდა, ხოლო მისი ოპონენტები კერძოდ არსენ ვენგერი, რომელმაც ლაკაზეტის შესახებ მოიტყუა და ახლა უკვე პეპ გვარდიოლა მწვავედ გააკრიტიკა. მისი თქმით მან დაზუსტებით იცოდა, რომ დავიდ სილვას არანაირი ტრავმა არ აწუხებდა და ის კვირას გასამართ შეხვედრაში მონაწილეობას მიიღებდა. ჟოზემ თქვა, რომ იგი ასეთ ხერხს არასდროს იკადრებდა და როდესაც იგი ამბობს, რომ რომელიმე მის ფეხბურთელს ტრავმა აწუხებს ესეიგი მას მართლაც აწუხებს ტრავმა. გავიდა კიდევ რამდენიმე დღე და დღეს გვარდიოლამ მისი წინა ინტერვიუს საპირისპირო განცხადება გააკეთა და დაადასტურა, რომ დავიდ სილვას მართლაც არაფერი აწუხებს და კვირას ითამაშებს.