ჩემპიონთა ლიგის მე-6 ტურში, "იუნაიტედმა" მოსკოვის "ცსკა" ანგარიშით 2-1 დაამარცხა და ჯგუფიდან პლეი-ოფში პირველი ადგილით გავიდა, წითლებმა საბოლოო ჯამში 15 ქულის მოგროვება შეძლეს 6 ჩატარებულ შეხვედრაში.

აღნიშნული შეხვედრა "იუნაიტედის" საშინაო კედლებში ოლდ ტრაფორდზე ჩატარდა, ეს ფაქტი აღსანიშნავია იმით, რომ მოურინიოს შეგირდები უკვე 40 მატჩია შინ დაუმარცხებლები არიან.

პორტუგალიელი მწვრთნელის გუნდი, ბოლოს ოლდ ტრაფორდზე 2016 წლის 10 სექტემბერს პრემიერ ლიგის შეხვედრაში თანაქალაქელ "მანჩესტერ სიტისთან" დამარცხდა ანგარიშით 1-2, ხოლო მას შემდეგ, გუნდი წარმატებულ საშინაო სვლას იწყებს და დღემდე, დაუმარცხებელ მოწინააღმდეგედ რჩება ნებისმიერი გუნდისთვის ოლდ ტრაფორდზე.

შეგახსენებთ, რომ წლევანდელ სეზონში წითელი ეშმაკები, პრემიერ ლიგაში მეორე ადგილს 35 ქულით იკავებენ, ლიდერ "სიტისთან" ჩამორჩენა კვლავ რვა 8 ქულას შეადგენს, მე-16 ტურის შეხვედრაში სწორედ ეს ორი გუნდი დაუპირისპირდება ოლდ ტრაფორდზე ერთმანეთს, სადაც ბევრ საინტერესო კითხვას გაეცემა პასუხი.

რაც შეეხება "იუნაიტედის" ჩემპიონთა ლიგაზე ასპარეზობას, მათ შეძლეს ჯგუფური ეტაპის პირველი ადგილით დასრულება და მათი მომდევნო მეტოქე 11 დეკემბერს, კენჭისყრის შედეგად გახდება ცნობილი.




წყარო: euro-football.ru