არ წყდება ჭორები "იუნაიტედის" ჰოლანდიელი მარცხენა მცველის დეილი ბლინდის მისამართით. ცნობილი გამოცემა The Times იწერება, რომ თავად ფეხბურთელის აზრით "იუნაიტედმა" მასთან დაკავშირებული გეგმები ამოწურა და მას მალევე გაყიდიან.
კლუბმა 27- წლის ფეხბურთელთან ახალი კონტრაქტი არ გააფორმა და სურს, რომ ძველ ხელშეკრულებაში არსებული პუნქტი გააქტიუროს, რომელიც ფეხბურთელს 2019- წლამდე კლუბში დარჩენის შესაძლებლობას აძლევს. თუმცა ეს მხოლოდ იმიტომ, რომ ბლინდს თავისუფალი აგენტის სტატუსი არ მიენიჭოს და კლუბმა მისი გაშვებით ფინანსური სარგებელი ნახოს.
წითლების მარცხენა მცველი, უკვე 11 მატჩია კლუბის ძირითად შემადგენლობაში ვერ ხვდება, მეტიც ჩემპიონთა ლიგაზე "ბაზელის" წინააღმდეგ წარუმატებელი გამოსვლის შემდეგ, ის "ბრაიტონის" და "უოტფორდის" წინააღმდეგ ჩატარებულ მატჩებში განაცხადშიც ვერ მოხვდა.
ბლინდის ადგილზე მარცხენა მცველის პოზიციაზე ეშლი იანგი გვევლინება, რომელიც სათამაშო პოზიციით სინამდვილეში არ არის ნომინალური მარცხენა მცველი.
წყარო ასევე იუწყება, რომ ჰოლანდიელით დაინტერესებულია მილანის "ინტერი", რომელიც ფეხბურთელის მიმართ ინტერესს ჯერ კიდევ გასულ სეზონშიც გამოხატავდა.
წყარო: manutd.ru
ჭორები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.