დასრულდა პრემიერ ლიგის მე-14 ტური. "იუნაიტედმა" სტუმრად "უოტფორდი" დამაჯერებელი ანგარიშით 2:4 დაამარცხა, თუმცა ლიდერ "სიტისთან" ქულთა სხვაობა მაინც ვერ შეამცირა.

მიუხედავად უხვგოლიანობისა, ეს შეხვედრა არ შეიძლება ითქვას, რომ წარმატებულად ჩაიარა წითლების ბელგიელი თავდამსხმელისთვის რომელუ ლუკაკუსთვის, რომელმაც აღნიშნულ შეხვედრაშიც ვერ შეძლო გოლის გატანა წინა ტურის მსგავსად.

აღნიშნულ ფაქტზე კომენტირებისას, ჟოზე მოურინიომ ბელგიელი დაიცვა და მეტად სახალისო კომენტარიც გააკეთა. ჟოზეს თქმით, რომელუს გოლის გასატანად ახალი ბუცები ესაჭიროება.

"თითქოს მეჩვენება, რომ მას ფეხსაცმლის მომწოდებელ ფირმასთან სერიოზული კონტრაქტი აკლია, რაც მის დაბალ შედეგიანობაზე აისახება. ასეთი კონტრაქტის არ ქონის გამო, ბელგიელი მოედანზე შავი ძცველმოდური ბუცებით დარბის, რაც უმთავრესი მიზეზია იმისა, რომ მას გოლები ვერ გააქვს.

ვფიქრობ, რომ მას კარგი ბრენდი ჭირდება, რომელიც ხარისხიან საქონელს შესთავაზებს, რის შემდეგაც დარწმუნებული ვარ, რომ ჩვენი ცხრიანი შეძლებს გოლების გატანას.

ძველი ხელშეკრულება რომელუს ფეხსაცმლის მიმწოდებელ ფირმებთან უკვე ამოეწურა. ის ამჟამად ახალ წინადადებებს ელოდება. მინდა ისინი დავაჩქარო და ვუთხრა, რომ ეს მალე გააკეთონ რადგან მისი გოლები ჩვენთვის არასაკმარისია.

ხუმრობის გარეშე გეტყვით, რომ მე კვლავ აღფრთოვნებული ვარ მისი თამაშით, ის წარმატების მიღწევაში ძალიან გვეხმარება. ლუკაკუმ იცის თუ როგორ ვაფასებ მის თამაშს, აქედან გამომდინარე არ შემიძლია "უოტფორდთან" გამოუყენებელი მომენტების გამო გავუბრაზდე".- ციტირებს Sky Sports განსაკუთრებულის სიტყვებს.


წყარო: euro-football.ru