"ნიუკასლის" მწვრთნელი რაფაელ ბენიტესი "მანჩესტერ იუნაიტედში" დაწუნებული ლუკ შოუს იჯარის წესით გადაბირებას ეცდება.

ესპანელ მწვრთნელს მიაჩნია, რომ "საუთჰემპტონიდან" 30 მილიონ ფუნტად შეძენილ ფეხბურთელს რეგულარული თამაშის შემთხვევაში ფორმაში შესვლა შეუძლია.

ინგლისის ნაკრების მაისურით შვიდ მატჩში მოასპარეზე შოუ "ოლდ ტრაფორდის" ბოს ჟოზე მოურინიოს გეგმებში ვერაფრით ხვდება.

პორტუგალიელმა არაერთხელ გააკრიტიკა მისი მენტალური და ფიზიკური შესაძლებლობები და მოსალოდნელია, რომ ზაფხულში შოუ პრემიერ ლიგის რომელიმე კლუბში იჯარის წესით გაუშვას.

ბენიტესმა იცის, რომ მისი შეზღუდული სატრანსფერო ბიუჯეტი შოუს შეძენის საშუალებას არ მისცემს, ამიტომ 22 წლის ფეხბურთელის იჯარის წესით გადაბირებასაც დასჯერდება.

"ნიუკასლის" მწვრთნელი აქტიურად ცდილობს გუნდში კარგი მარცხენა მცველის გადაყვანას, ხოლო ლუკი პრემიერ ლიგაში რეგულარულად ასპარეზობის იმედს არ კარგავს.

თუმცა, "ნიუკასლი" არ არის ერთადერთი კლუბი, რომელიც ინგლისელის სამსახურით არის დაინტერესებული. შოუს დაბრუნების იმედი აქვს "საუთჰემპტონსაც" და მის ყოფილ მწვრთნელ მაურისიო პოჩეტინოსაც, რომლის გუნდიც შესაძლოა დენი როუზმა დატოვოს.

წყარო: mirror