"მანჩესტერ იუნაიტედს" უმთავრსე მიზნად აქვს დასახული თავის რიგებში გარეთ ბეილის გადაბირება და პრემიერ ლიგაში ამ გზით მისი დაბრუნება, მაგრამ მადრიდის "რეალის" მთავარი მწვრთნელი ზინედინ ზიდანი აღნიშნავს, რომ ზამთრის სატრანსფერო ფანჯარაზე მისი გუნდის არცერთი წევრი არ დატოვებს გუნდს.
"ზამთრის ბაზარზე არავინ წავა. რაც შეეხება მოსვლას, ყველაფერი შეიძლება მოხდეს, ვნახოთ", - აცხადებს ფრანგი მწვრთნელი.
85 მილიონ ფუნტად შეძენილმა ფეხბურთელმა მიმდინარე სეზონში მხოლოდ 5 მატჩი ჩაატარა ესპანეთის ჩემპიონატში მუდმივი ტრავმიანობის გამო და კვლავ უკან დაბრუნების გზაზეა. "ვნახოთ, რას მოგვცემს გარეთი. მართალია, რომ მისი ტრავმის შესახებ ბევრი საუბარი მიმდინარეობს და სამ მატჩში ერთს ატარებს, მაგრამ მისი დაბრუნება ნამდვილად ძალიან გვსურს. ბევრი არ დასჭირდება, რადგან ამ ორ ტრავმას შორის დიდი დრო არ გასულა", - დაასრულა ზიდანმა.