დღეს თბილისის დროით 23:59 სთ-ზე პრემიერ ლიგის მე-14 ტური აიღებს სტარტს, ჟოზე მოურინიოს შეგირდები სტუმრად "უოტფორდს" დაუპირისპირდებიან და ეცდებიან ქულათა მაქსიმუმის აღებას ამ შეხვედრაში.

როგორც კლუბის ოფიციალური პრეს სამსახური Manchester Evening News იტყობინება, ლონდონში გუნდთან ერთად არ იმყოფებიან: ჰენრიკ მხითარიანი, მარუან ფელაინი და ლუკ შოუ.

რაც შეეხება ჩამოთვლილი ფეხბურთელების მდგომარეობას: მხითარიანმა, ბოლო 3 შეხვედრიდან მხოლოდ 1 შეხვედრაში მიიღო მონაწილეობა "ბრაიტონის" წინააღმდეგ, სადაც ცვლილების სახით მოედანზე 71 წუთზე შემოვიდა. შესაძლოა სომეხ ფეხბურთელმა დღევანდელი შეხვედრა გამოტოვოს.

ჰენრიკის მსგავსად, გუნდის ლონდონში გამგზავრებამდე მიღებულ იქნა გადაწყვეტილება ლუკ შოუსა და მარუან ფელაინის მიმართაც, საბოლოო ჯამში წითელი ეშმაკების ეს სამეული ლონდონში გუნდთან ერთად არ გაემგზავრა. თუმცა აღსანიშნავია ისიც, რომ ეს არ ნიშნავს მათი ამ შეხვედრაში არ მონაწილეობას, რადგან მომხდარა ფაქტები, როდესაც ფეხბურთელი ამა თუ იმ ქალაქში გამგზავრებამდე გუნდს არ ახლდა, თუმცა თანაგუნდელებს მოგვიანებით ინდივიდუალურად შეერთებიან.

ფეხბურთელების სია, რომელბიც უკვე ლონდონში იმყოფებიან და მზად არიან "უოტფორდთან" მატჩის გასამართად ასე გამოიყურება: მეკარეები: დევიდ დე ხეა, სერხიო რომერო, ჟოელ პერეირა. მცველები: მატეო დარმიანი, ანტონიო ვალენსია, კრის სმოლინგი, დეილი ბლინდი, ვიქტორ ლინდელოფი, მარკოს როხო, ეშლი იანგი. ნახევარმცველები: ჯესი ლინგარდი, სკოტ მაკტომინი, ანდერ ერერა, პოლ პოგბა, ნემანია მატიჩი, ხუან მატა. თავდამსხმელები: რომელუ ლუკაკუ, ენტონი მარსიალი, მარკუს რეშფორდი, ზლატან იბრაჰიმოვიჩი.



წყარო: manutd.ru