ბოლოდროინდელი მდგომარეობიდან გამომდინარე, "იუნაიტედის" სომეხ ფეხბურთელს ძირითად შემადგენლობაში მოხვედრა უჭირს, განსხვავებით სეზონის სტარტისა, სადაც ჰენრიკმა თავის წარმოჩენა წარმატებით შეძლო, თუმცა ამ ეტაპზე სიტუაცია რადიკალურად შეცვლილია.

ვრცელდება ჭორები, რომ მხითარიანს გარკვეულის სახის პრობლემები აქვს, მისი სათამაშო ფორმით უკმაყოფილოა წითლების პორტუგალიელი დამრიგებელი, რომელიც მისგან დამაკმაყოფილებელ სათამაშო ფორმას მოითხოვს.

შექმნილ სიტუაციას თვალყურს ადევნებს "დორტმუნდის ბორუსია", რომელსაც წყარზე დაყრდნობით თავისი ყოფილი ფეხბურთელის კლუბში დაბრუნება სურს. როგორც BBC იუწყება, გერმანული კლუბი მზად არის, მხითარიანს კვლავ შესთავაზოს კლუბში ხელსაყრელი პირობები და სატრანსფერო ფანჯრის გახსნისთანავე ამ მხრივ გააქტიურებას გეგმავს.

მსგავსი რამ ამ ორ კლუბს შორის ადრეც მომხდარა, როდესაც "დორტმუნდის ბორუსიას" იაპონელმა ფეხბურთელმა შინჯი კაგავამ კლუბის რიგები დატოვა და 2012 წელს "იუნაიტედის" რიგებს შეუერთდა, შემდგომ ამისა 2014 წელს ფეხბურთელმა წითლების რიგებში თავის დამკვიდრება ვერ მოახერხა და თავის ყოფილ კლუბში დაბრუნება ისურვა. კაგავა დღემდე "დორტმუნდში" ასპარეზობს.

შეგახსენებთ, რომ მხითარიანი სეზონის დასაწყისში შედარებით შედეგიან ფეხბურთს გვთავაზობდა, მის ანგარიშზე პრემიერ ლიგაში ჩატარებული მატჩებიდან, 1 გოლი და 5 საგოლე გადაცემაა.




წყარო: euro-football.ru