"იუნაიტედის" ინგლისელმა ნახევარმცველმა მაიკლ კერიკმა, Twitter- ის საშუალებით გამოაქვეყნა განცხადება, სადაც განმარტა, თუ რატომ არ გამოჩენილა გუნდის შემადგენლობაში ამ ხნის მანძილზე.

კერიკის თქმით, მან სექტემბერში გამართული კარაბაო თასის შეხვედრაში, სადაც ოლდ ტრაფორდზე "იუნაიტედმა" "ბურტონი" დაამარცხა, გულის რიტმის არასასურველი მდგომარეობა იგრძნო.

"მე უბრალოდ მინდა განვმარტო სიტუაცია, რადგან ხალხის გარკვეულ ნაწილს აინტერესებს რა ხდება ჩემ თავს, ვარ თუ არა კარგად და რატომ გამიცდა თამაშები უკვე რამოდენიმე თვეა. მოგეხსენებათ, სექტემბრის თვეში "ბურტონის" წინააღმდეგ მოგვიწია თამაში, სადაც მონაწილეობა მივიღე. ამ მატჩის მეორე ტაიმში უცნაური შეგრძნება დამეუფლა ჯამრთელობის მხრივ, რის შემდეგაც გადავწყვიტე სამედიცინო ტესტირებების გავლა.

ტესტირებებმა გამოავლინა, რომ აღმომაჩნდა გულის რიტმის დარღვევა, ამის შემდეგ პროცედურების ჩატარება მომიწია კარდიოლოგიური თვალსაზრისით. ვარჯიში მკაცრი კონტროლის ქვეშ მიწევდა, ამ ეტაპზე შემიძლია იმის თქმა, რომ ყველაფერი კარგად არის, თავს კარგად ვგრძნობ.

მინდა დაგარწმუნოთ ყველა, რომ ყველაფერი კარგადაა და გუნდთან ერთად მუშაობას განვაგრძობ, ვეცდები რაც შეიძლება მალე დავბრუნდე".- განაცხადა დასასრულს კერიკმა.

შეგახსენებთ, რომ კერიკს ერთწლიანი კონტრაქტი აქვს კლუბთან გაფორმებული, რომელიც ზაფხულში იწურება. გასულ შეძონში მაიკლმა "იუნაიტედის" შემადგენლობაში 38 მატჩის ჩატარება შეძლო, ის ასევე გახდა გუნდის კაპიტანი რუნის "ევერტონში" წასვლის შემდეგ. რაც შეეხება მიმდინარე სეზონს, კერიკმა მხოლოდ ერთი მატჩის ჩატარება შეძლო, კარაბაო თასის ტურნირზე "ბურტონის" წინააღმდეგ.


წყარო: manutd.ru