მოურინიოს თქმით, სომეხი ფეხბურთელის სათამაშო ფორმით უკმაყოფილო იყო, რამაც უკანასკნელ 2 მატჩში მისი უთამაშებლობა გამოიწვია, ხოლო რაც შეეხება პრემიერ ლიგის მომდევნო ტურს, სადაც "იუნაიტედი" შინ 'ბრაიტონს" დაუპირისპირდება, მხითარიანი მოედანზე დაბრუნებას შეძლებს.
"რატომ არ თამაშობს მხითარიანი? მე არ ვარ კმაყოფილი მისი ბოლო დროინდელი თამაშებით, ეს არ ეხება ერთ ან ორ შეხვედრას, მხითარიანმა არადამაჯერებლად დაახლოებით 5 შეხვედრა ჩაატარა, რაც ჩემთვის ნამდვილად არ იყო სასიამოვნო, მან სეზონი ძალიან კარგად დაიწყო, ხოლო ამის შემდეგ ეტაპობრივად უკლო თამაშს.
მისი თამაშის დონე მდგომარეობდა შემდეგში, როდესაც გოლს ვიტანდით, ის მაქსიმალურად ცდილობდა ამაში მონაწილეობა მიეღო, შედეგიანი გადაცემებით, მაღალი პრესინგით, ბურთის ფლობით მოწინააღმდეგის ნახევარზე, ათიანის სათამაშო პოზიციაზე მუშაობით, ამ ყველაფერმა რეგრესი განიცადა და მან შედეგიანად მოქმედებას უკლო, ხოლო ამის შემდეგ ჩემი მოთმინებაც ამოიწურა, ვხედავდი, რომ ბიჭები მაქსიმალურად ცდილობდნენ ევარჯიშათ და ბოლომდე დახარჯულიყვნენ მთელი ძალებით შანსის მოსაპოვებლად იბრძოდნენ, აქედან გამომდინარე გადაწყვეტილების მიღება გამიმარტივდა.
ბოლო მატჩებში მხითარიანს არ უთამაშია, მაგრამ შანსები სხვა ფეხბურთელებმა მიიღეს და საშუალება ქონდათ სათამაშო დრო გამოეყენებინათ, მათ დამაკმაყოფილებლად შეასრულეს დაკისრებული სამუშაო, რაც შეეხება ხვლინდელ თამაშს, ჰენრიკი დაბრუნდება. ვფიქრობ ეს სამართლიანი გადაწყვეტილებაა.
ითამაშებს თუ არა პირველივე წუთებიდან ვერ გეტყვით, მაგრამ ის შემადგენლობაში დაბრუნდება, რაც თავის მხრივ ნიშნავს იმას რომ მხითარიანი პოზიციას დაუბრუნდება.
მომდევნო პრესკონფერენციაზე, თქვენგან ველოდები შემდეგი სახის კითხვებს, თუ რატომ არ ითამაშა ამ მოთამაშემ და რატომ ითამაშა სხვამ, მინდა გითხრათ, რომ ცხოვრება ესეთია, თქვენ უნდა დაამტკიცოთ საკუთარი შესაძლებლობები რათა მიიღოთ უფლება თამაშისთვის".
წყარო: manutd.ru
ინტერვიუები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.