ჩემპიონთა ლიგის მე-5 ტურის შეხვედრა უსიამოვნო გამოდგა A- ჯგუფის ლიდერ "მანჩესტერ იუნაიტედისთვის", რომელმაც გასვლაზე შვეიცარიულ "ბაზელთან" დათმო შეხვედრა ანგარიშით 0-1, მიუხედავად წაგებისა, მოურინიოს გუნდი კვლავ პირველ ადგილს იკავებს და უახლოეს მდევრებს 3 ქულით უსწრებს.

წაგებული მატჩის შემდგომ, პრესკონფერენცია გამართა წითლების პორტუგალიელმა დამრიგებელმა, აღნიშნული პრესკონფერენციის ძირითად ნაწილს კლუბის ოფიციალური საიტი გვთავაზობს.

პირველი ტაიმის შესახებ

"პირველი ტაიმი კარგი იყო, მიუხედავად იმისა, რომ გატანილი გოლების გარეშე ჩაიარა. რაც შეეხება მეორე ტაიმს, შედარებით რთული გამოვიდა ვიდრე ეს იყო პირველი ნახევარი, გამომდინარე იქიდან, რომ ჩვენ პირველი ტაიმის 0-5 მოგება შეგვეძლო, მოსალოდნელი იყო, რომ ისინი მეორე ტაიმში უფრო ორგანიზებულები დაიწყებდნენ თამაშს. საბოლოო ჯამში დავმარცხდით, რადგან ვერ შევძელით გატანა, მოედანზე რა თქმა უნდა ჩვენ ვდომინირებდით. პირველ ტაიმში ბევრი მომენტი გვქონდა გოლის გასატანად, თუმცა ეს ვერ მოვახერხეთ, ხოლო მეორე ტაიმის მსვლელობა ისეთი იყო, რომ უკვე ნათელი ხდებოდა ყველაფერი უგოლო ფრით უნდა დამთავრებულიყო, თუმცა მათ შეძლეს შეხვედრის მიწურულს გოლის გატანა, რის შედეგადაც დავმარცხდით.

პოგბას გავლენა

მოახდინა თუ არა გავლენა გუნდზე პოგბას დაბრუნებამ სტადიონზე? ვფიქრობ, რომ კი, პოგბას თამაშიდან გასვლის შემდეგ, ჩვენი თამაშის მრავალფეროვნებამ იკლო, თამაშის 65 წუთზე უკვე მას შეეტყო დაღლილობა, რის შემდეგაც საჭიროდ ჩავთვალე მოედნიდან გამეყვანა, რა თქმა უნდა მოედანზე მატიჩის სახით გამოცდილი ფეხბურთელი შევუშვი, თამაშს ასევე დავამატე რეშფორდის სისწრაფე, ხოლო იბრაჰიმოვიჩი კვლავ სტაბილურად აკონტროლებდა ბურთს, ყველაფერი კარგად მიმდინარეობდა.

გარემოებების თანხვედრა

მე არ შემიძლია ჩემი ფეხბურთელების დადანაშაულება. ვფიქრობ, რომ მსგავსი მატჩების 10-ჯერ ჩატარების შემთხვევაში ჩვენ 9- ჯერ მოვიპოვებდით გამარჯვებას, თუმცა დღეს სამწუხაროდ ყველაფერი სხვაგვარად მოხდა. მსგავსი შეხვედრა დავთმეთ "ჩელსის" წინააღმდეგაც, როდესაც დაგვიანებული გოლი გავუშვით, რის შემდეგაც დრო არ გვეყო, სიტუაცია მხოლოდ იმით განსხვავდებოდა, რომ იმ შეხვედრაში ჩვენ კარში მხოლოდ ერთხელ დავარტყით, ხოლო დღეს ჩვენ პირველ ტაიმში უბრალოდ ძალიან კარგები ვიყავით.

შეხვედრის მიმდინაროებაზე

ჩვენ ვითამაშეთ ისეთი გუნდის წინაღმდეგ, რომელსაც ტაქტიკურად 5 მცველისა და 3 შემტევის გამოყენება დასჭირდა ჩვენ წინააღმდეგ, პირველ ტიმში ამან იმუშავა. მეორე ტაიმში ვერ შევძელით გატანა, რადგან ნათელი იყო, რომ ამ თამაშში მოპოვებული 1 ქულა საკმარისი იქნებოდა ჯგუფიდან პირველი ადგილით გასვლაში, ჩვენ დავმარცხდით, მე ამაში ფეხბურთელებს ვერ დავადანაშაულებ. ჩვენ მიერ ჩატარებული პირველი ტაიმით ადვილად შეგვეძლო გამარჯვება, თუმცა დავმარცხდით, ხოლო "ბაზელს" კარგი შანსი აქვს ჯგუფში წარმატებას მიაღწიოს და შემდეგ ეტაპზე გავიდეს.

როხოს შესახებ

მარკოსმა ძალიან კარგად ითამაშა. მას თამაში უკვე რამოდენიმე კვირის უკანაც შეეძლო თუმცა ჩვენ არ გავრისკეთ. როხოსთვის პირველი ტაიმი არ იყო დატვირთული, რადგან სიტუაციას მთლიანად ჩვენ ვაკონტროლებდით, ის კარგად მოქმედებდა აკონტროლებდა სიტუაციას ხოლო მისით ნამდვილად კმაყოფილი ვარ".- განაცხადა დასასრულს წითლების დამრიგებელმა.

წყარო: manutd.ru