ჭორები იმის შესახებ რომ ფრანგი ფეხბურთელი ანტუან გრიზმანი, ადრე თუ გვიან კლუბს გამოიცვლის და "იუნაიტედში" გადაბარგდება, თანდათან უფრო მყარდება, "ატლეტიკოს" თავდამსხმელი თავის ავტობიოგრაფიულ წიგნში სახელწოდებით "ღიმილის მიღმა", საუბრობს იმაზე, რომ სურს მიიღოს ახალი გამოწვევები და ინგლისში გადაბარგდეს.
"ივნისში "ატლეტიკოსთან ახალ კონტრაქტს მოვაწერე ხელი, რომელიც 2022 წლამდე არის გათვლილი, მე ამ კლუბში ძალიან ბედნიერი ვარ, მაგრამ ვაღიარებ, რომ ტიტულების ნაკლებობას განვიცდი. რაც შეეხება დანარჩენს, მინდა გითხრათ, რომ ყველაფრით კმაყოფილი ვარ, თუმცა იმის პირობას ნამდვილად ვერ დავდებ, რომ ადრე თუ გვიან სხვა კლუბში არ გადავალ.
ჯერ არაფერი გადამიწყვეტია, ყველაფერი მრავალ ფაქტორზეა დამოკიდებული, არაფერი არ მაქვს ინგლისის საწინააღმდეგო გარდა ამინდებისა, "იუნაიტედი" ნამდვილად კარგი ვარიანტია ჩემი კარიერის ამ ქვეყანაში გასაგრძელებლად. ვიმეორებ "ატლეტიკოში" თავს კარგად ვგრძნობ, აქ საოცარი მწვრთნელი და საოცარი თანაგუნდელები მყავს, ისინი გამუდმებით მეკითხებიან თუ რას ვაპირებ სამომავლოდ ,თუმცა ამ ეტაპზე არაფერს არ გამოვრიცხავ".-აცხადებს ჟურნალისტებისთვის მიცემულ ინტერვიუში გრიზმანი.