დღეს გაიმართება ჩემპიონთა ლიგის მე-5 ტურის დარჩენილი შეხვედრები, A- ჯგუფის უპირობო ლიდერი "იუნაიტედი", მეორე ადგილოსან "ბაზელს" სტუმრად დაუპირისპირდება. მატჩისწინა პრესკომფერენციაზე, ჟურნალისტებმა პორტუგალიელს იბრაჰიმოვიჩის შესახებ ჰკითხეს, ითამაშებს თუ არა იბრაჰიმოვიჩი ძირითადი შემადგენლობიდან მოურინიომ შემდეგნაირად უპასუხა.

"ზლატანს რა თქმა უნდა ესაჭიროება სათამაშო დრო, თუმცა ამ ეტაპზე მის ძირითად შემადგენლობაში დაყენებიდან თავს შევიკავებ, ის ჯერ კიდევ არ არის მზად თამაშის პირველივე წუთებიდან დასაწყებად.

ის ამ ეტაპზე უფრო სარგებლის მომტანი იქნება სათადარიგო ცვლილებით, თამაშის მსვლელობიდან თუ დაგვჭირდა ანგარიშის შენარჩუნება, ზლატანი დაგვეხმრება ბურთის კონტროლის შენარჩუნებაში, ის შესაბამის პოზიციაზე განთავსდება და დაეხმარება გუნდს წარმატების მიღწევაში, ხოლო თუ შეტევის გამწვავება დაგვჭირდა, ის აუცილებლად დაიკავებს ლუკაკუსთან ერთად ადგილს თავდასხმაში და მათი დუეტით შესაბამისად გავაძლიერებთ წინა ხაზს.

ვფიქრობ, რომ შვედი უფრო დიდხანს ითამაშებს "ბაზელის" წინააღმდეგ, ვიდრე ეს იყო "ნიუკასლთან" შემთხვევაში".- განაცხადა დასასრულს განსაკუთრებულმა.


წყარო: euro-football.ru