ზლატან იბრაჰიმოვიჩს სჯერა, რომ "მანჩესტერ იუნაიტედს" საკმაოდ კარგი გუნდი ჰყავს ყველა ტურნირზე ტიტულის მოპოვებისათვის საბრძოლველად.
36 წლის შვედმა აპრილში მიღებული ტრავმის შემდეგ შვიდი თვე იუქმა და მოედანს მხოლოდ გასულ შაბათს დაუბრუნდა, როცა "იუნაიტედმა" "ნიუკასლი" 4-1 დაამარცხა.
ამავე დღეს დაუბრუნდნე გუნდს პოლ პოგბა და მარკოს როხო, რის საფუძველზეც იბრაჰიმოვიჩს მიაჩნია, რომ "იუნაიტედს" საკმაოდ გრძელი სკამი და ხარისხიანი შემადგენლობა ჰყავს წარმატების მისაღწევად.
"ვფიქრობ, "სიტიზე" ზეწოლას ვახდნენთ, რატომ არ არის შესაძლებელი? აქ ყველანი გამარჯვებისთვის ვართ და ვალდებულებიც ვართ, რომ გავიმარჯვოთ, რადგან ისინი პირველ ადგილზე არიან.
შემიძლია გითხრათ, რასაც პოლი გვაძლევს - უკეთეს ხარისხს. დღეს ისე გამოვიდა, თითქოს მთელი თვე არ ეუქმოს და თან მოიტანა ხარიხსი, განსხვავებული დონე, მე კი მოვიტანე გამოცდილება და ჩემი თავი.
ვცდილობ, ბიჭებს ისე დავეხმარო, როგორც შემიძლია და ის გავაკეთო, რაც შემიძლია.
ამ კვირაში მწვრთნელი ძალიან ბედნიერია, რადგან ამ სეზონში პირველად ჰყავს თავისი ყველა ფეხბურთელი მწყობრში და მწვრთნელს სწორედ ასეთი შესაძლებლობები და ალტერნატივის ქონა სჭირდება ცვლილების შესატანად.
ვფიქრობ, ყველაფრის მოგების შესაძლებლობა არსებობს. გასულ სეზონში ორი ტიტული მოვიგეთ, ახლა კი უფრო ძლიერები ვართ და გვჯერა, რომ შეგვიძლია", - განაცხადა ზლატანმა.