"მანჩესტერ იუნაიტედი" მზად არის, დენი როუზს "ტოტენჰემიდან" წასვლის საშუალება შესთავაზოს.
ჟოზე მოურინიო ინგლისის ნაკრების მარცხენა მცველის შეძენას იანვარში ეცდება და 27 წლის ფეხბურთელში 40 მილიონ ფუნტს გადაიხდის. ხოლო თუ "დეზებისთვის" ეს არ იქნება საკმარისი, მათ ლუკ შოუსაც შესთავაზებს.
როუზი, რომელსაც 10 კვირა გაუცდა მუხლის ტრავმის გამო, მაურისიო პოჩეტინოს გეგმებში არ შედის და ვერც ჩრდილო ლონდონური დერბის მატჩის განაცხადში მოხვდა, როცა "მამლები" 2-0 დამარცხდნენ "არსენალთან".
"ტოტენჰემის" ოფიციალური პირები აცხადებენ, რომ მწვრთნელსა და ფეხბურთელს შორის უთანხმოება არ არის. კლუბის ყოფილ ფეხბურთელ ჯეიმი რედნაპს კი მიაჩნია, რომ მხოლოდ დროის საკითხია როუზის წასვლა "ტოტენჰემიდან".
თუ ტრანსფერი განხორციელდება, "იუნაიტედი" როუზის ამჟამინდელ 65 ათას ფუნტიან ხელფასს გააორმაგებს, მის კლუბს კი სარფიან წინადადებას შესთავაზებს.