"მანჩესტერ იუნაიტედის" ნახევარმცველ პოლ პოგბას მიაჩნია, რომ მის გუნდს ჯერ კიდევ აქვს პრემიერ ლიგის ჩემპიონობის შანსი.
ფრანგმა ფეხბურთელმა შაბათს "ოლდ ტრაფორდზე" გამართულ შეხვედრაში გოლითა და საგოლე გადაცემით გამოიჩინა თავი და ეს ხანგრძლივი უქმობის შემდეგ მოახერხა.
მიუხედავად დამაჯერებელი გამარჯვებისა, ჟოზე მოურინიოს გუნდი რვა ქულით ჩამორჩება ტურნირის უდავო ლიდერ "მანჩესტერ სიტის", მაგრამ "იუვენტუსის" ყოფილ ფეხბურთელს მაინც სჯერა წარმატების.
"სეზონი ძალიან გრძელია, ამიტომ რომ არ მჯეროდეს, ახლავე გავჩერდებოდი. ბუცებს ჩამოვკიდებდი და ფეხბურთის თამაშს თავს გავანებებდი, მაგრამ მე მორწმუნე ვარ და ბრძოლას გავაგრძელებთ", - განაცხადა პოგბამ.
ფრანგმა რომელუ ლუკაკუს შესახებაც ისაუბრა.
"მე დავბრუნდი და რომელუმ კვლავ გაიტანა, არა? ეს მომწონს. ჩვენ ბევრი კარგი, ნიჭიერი ფეხბურთელი გვყავს. ერთმანეთს უნდა ვენდოთ.
რომელუ პრემიერ ლიგის საუკეთესო თავდამსხმელია. მისი შესაძლებლობები კარგად ვიცით, ჩვენ ყველაფერი ვიცით, ამაზე არ ვდარდობთ.
ბოლოს კი შედეგს ვნახავთ".
ინტერვიუები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.