ხანგრძლივი პაუზის შემდეგ, მოედანს "იუნაიტედის" შვედი თავდამსხმელი ზლატან იბრაჰიმოვიჩი დაუბრუნდა, ხოლო არცთუისე ხანგრძლივი ტრავმის შემდეგ, ასევე დაბრუნდა, წითლების ფრანგი ნახევარმცველი პოლ პოგბა, ტრავმის შემდგომი დებიუტი, მათ გუშინ "ნიუკასლის" წინააღმდეგ ქონდათ, ფრანგმა თამაში ძირითადი შემადგენლობიდან დაიწყო, ხოლო საკუთარი აქტივი 1 გოლით და 1 საგოლე პასით გაამდიდრა. რაც შეეხება იბრაჰიმოვიჩს ის მოედანზე, ცვლილების სახით გამოჩნდა მატჩის 77 წუთზე.
შეხვედრის შემდეგ, ორივე ფეხბურთელმა, ჟურნალისტებისთვის კომენტარის მისაცემად დრო გამონახეს და სახალისო განცხადებებიც გააკეთეს.
"ეს განსაკუთრებული განცდაა, განსხვავებული დღე და ის ხარისხი რისი ჩვენებაც გვინდოდა, მინდა გითხრათ, რომ სერთოდ არ ვღელავდი, რადგან ვიცოდი თუ რისი გაკეთება შემიძლია, მე ბევრს ვშრომობდი, ვვარჯიშობდი და მოედანზე დასაბრუნებლად თავს არ ვზოგავდი, ბოლოს და ბოლოს ჩემი თავი კვლავ მუშაობს, ხოლო მუხლებს მართებს ზუსტად და კარგად შეასრულოს მისი მითითებები. მეშინოდა თუ არა იმის, რომ დავასრულებდი კარიერას? რა თქმა უნდა არა, ლომები უფრო სწრაფად ჯანმრთელდებიან ვიდრე ადამიანები".- დაასრულა ინტერვიუ ორიგინალური ფრაზით იბრაიმოვიჩმა.
გამოჯამრთელებით და მოედანზე დაბრუნებით, კმაყოფილია "იუნაიტედის" კიდევ ერთი ფეხბურთელი პოლ პოგბა, რომელიც შეხვედრის საუკეთესო ფეხბურთელად აღიარეს.
"მოედანზე დაბრუნებით, იმ გულშემატკივრების ხილვით, რომელთაც შენი ნახვა უხარიათ, გაიტანო გოლი ოლდ ტრაფორდზე გაამოჯამრთელების შემდეგ, მე უბრალოდ ბედნიერი ვარ ამ დღით, თუმცა ჩვენთვის, ყველასთვის მთავარი არის ის, რომ გამარჯვება ერთობლივად მოვახერხეთ.
ამ ხნის მანძილზე, აღდგენით პროცესებს გავდიოდი, რადგან ეს ჩემთვის სასიცოცხლო მნიშვნელობის იყო, აქ ინგლისია და არა იტალია, რადგან ვფიქრობ, რომ აქ ფეხბურთი უფრო ინტენსიურია და სრულ მზადყოფნას მოითხოვს. თავს ძალიან კარგად ვგრძნობ, ბედნიერი ვარ დაბრუნებით".- განაცხადა დასასრულს პოგბამ.
წყარო: manutd.ru
ინტერვიუები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.