სატრანსფერო ფანჯრის გახსნამდე, არცთუისე ცოტა დრო რჩება, ბუნებრივია ყველა მწვრთნელი ცდილობს გუნდისთვის სასარგებლო ფეხბურთელის საკუთარ შემადგენლობაში ხილვას, მათ შორის არც "იუნაიტედის" პორტუგალიელი დამრიგებელი ჟოზე მოურინიოა.
ჟოზემ ამჯერად, თვალი მის ყოფილ ბრაზილიელ შეგირდს, დავიდ ლუისს დაადგა, რომელიც ამჟამად "ჩელსის" ღირსებას იცავს, თუმცა ბოლო პერიოდია ბრაზილიელმა, არისტოკრატების შემადგენლობაში ძირითადი ადგილი დაკარგა.
აქამდე გაჟონა ინფორმაციამ, რომ "ჩელსის' ამჟამინდელ დამრიგებელს, ანტონიო კონტეს და დავიდ ლუისს, არცთუისე სასიამოვნო ურთიერთობა აქვთ, რამაც განაპირობა ბრაზილიელის შემადგენლობიდან დროებით მოკვეთა.
წყაროს ცნობით "იუნაიტედთან" გასამართ შეხვედრამდე, ლუისმა კონტეს ტაქტიკა ეჭვქვეშ დააყენა და ამის შესახებ მწვრთნელს განუცხადა, ამას შედეგად მოყვა ის, რომ კონტემ ლუისი "იუნაიტედთან" დაპირისპირებაში განაცხადშიც არ შეიყვანა.