"მანჩესტერ იუნაიტედის" მთავარი მწვრთნელი ჟოზე მოურინიო აცხადებს, რომ მოქმედი კონტრაქტის ვადის ამოწურვამდე კლუბს არ შეიცვლის.
გასულ თვეში მოურინიომ ცხადად აღიარა, რომ პსჟ-ში სამსახურით შეიძლება დაინტერესდეს. ამან კი დაუყოვნებლივ გამოიწვია ჭორები მისი საფრანგეთში გადასვლის შესახებ.
იმისათვის, რომ სიტუაციას ნათელი მოჰფინოს, პორტუგალიელმა მორიგი განცხადება გააკეთა. მისი თქმით, სამწლიანი კონტრაქტის ვადის ამოწურვას აპირებს და ამ დროში პრემიერ ლიგის მოგებაც სურს.
"არ უნდა დავივიწყოთ, რომ "მანჩესტერ იუნაიტედთან" სამწლიანი კონტრაქტი გავაფორმე. ამ დროში კი გუნდი ახალ დონეზე უნდა ავიყვანო და მისი შედეგები გავაუმჯობესო.
როცა პროგრესზე ვლაპარაკობთ, ეს ნიშნავს ტიტულების მოგებას. ხოლო როცა ტიტულებზე ვლაპარაკობთ, ხალხი პირველ რიგში პრემიერ ლიგაზე ფიქრობს", - განაცხადა მოურინიომ.