რომელუ ლუკაკუმ სამშაბათს ბელგიის ნაკრების რიგებში 31-ე გოლი გაიტანა, რაც იმას ნიშნავს, რომ თავისი ქვეყნის ნაკრებში მასზე მეტი გოლი არასდროს არავის გაუტანია.

ბელგიის საფეხბურთო ნაკრებმა ეს ამბავი იმით აღნიშნა, რომ ოფიციალურ ტვიტერზე დაწერა, "მანჩესტერ იუნაიტედის" ფორვარდმა წინა შედეგი, ბერნარდ ვორჰოფისა და პოლ ვან ჰიმსტის მიერ გატანილი 30-გოლიანი ნიშნული გააუმჯობესა.

ბელგიის ნაკრებისა და "იუნაიტედის" გულშემატკივრებმა კი სოციალური ქსელის დახმარებით მის მიმართ არაერთი საქებარი სიტყვა გაიმეტეს.

მაგრამ, როგორც ჩანს, ჯერ ადრეა შამპანურის გახსნა ლუკაკუსთვის, რომელმაც იაპონიის ნაკრების კარში გატანილი ერთადერთი გოლი მიითვალა აქტივში.

FIFA-ს თანახმად, ლუკაკუმ ოფიციალურად მხოლოდ 28 გოლი გაიტანა თავისი ნაკრების რიგებში, რაც იმას ნიშნავს, რომ ჯერ რეკორდთან უბრალოდ ახლოსაა.

მიზეზი კი ის არის, რომ 2014 წელს ლუქსემბურის წინააღმდეგ გამართული ბელგიის მატჩი FIFA-მ არ ჩათვალა.

ამ შეხვედრაში ლუკაკუმ ჰეთ-ტრიკი შეასრულა, მაგრამ მოგვიანებით FIFA-მ ეს მატჩი გაანულა.

გაუქმების მიზეზად დასახელდა მწვრთნელ მარკ ვილმოტსის მიერ განხორციელებული ზედმეტი ცვლილება საერთაშორისო ამხანაგურ მატჩში, რომელშიც ოფიციალურად მხოლოდ 6 ცვლილების გაკეთება შეიძლებოდა, მაგრამ ვილმოტსმა მეშვიდეც გამოიყენა.

ამ დღეს შედგა ადნან იანუზაის დებიუტიც, მაგრამ აღნიშნული მიზეზის გამო არც მისი დებიუტი ჩაითვალა.

წყარო: mirror.