"მანჩესტერ იუნაიტედის" მთავარმა მწვრთნელმა, ჟოზე მოურინიომ დაადასტურა, რომ ზლატან იბრაჰიმოვიჩი საფეხბურთო მოედანს კალენდარული წლის დასასრულამდე დაუბრუნდება.
შეგახსენებთ, რომ იბრაჰიმოვიჩი აპრილის შემდეგ ვერ ახერხებს თამაშს და მან ოპერაციაც გაიკეთა ამერიკაში. მისი გამოჯანმრთელების პროცესი კი დასასრულს უახლოვდება.
36 წლის ფეხბურთელი ჯერ კიდევ გასულ თვეში დაბრუნდა კარინგტონზე სავარჯიშოდ და მოურინიო მოუთმენლად ელის მის თამაშს. "ის ლომია, მებრძოლია. ვფიქრობ, ეს კარგი აღწერილობაა მისთვის, მას ყოველთვის ჰქონდა ის მრისხანება და ეს არის მიზეზი, რის გამოც პრაქტიკულად დაბრუნდა.
ჩვენს მოლოდინთან შედარებით მისი დაბრუნებისთვის საჭირო დრო შემცირდა. როგორც რამდენიმე კვირის წინ გითხარით, 2017 წელს დაგვიბრუნდება და ასეთ ტრავმას ასეთ დროში მოირჩენს - ეს დიდებულია", - განაცხადა მოურინიომ.