დვაით იორკმა მედიას განუცხადა, რომ "სანდერლენდის" მთავარი მწვრთნელის პოსტზე თავისი კანდიდატურა წამოაყენა, მაგრამ ჯერ პასუხი არ მიუღია.

"შავი კატების" ყოფილმა ფეხბურთელმა ახლახანს დაასრულა სამწვრთნელო სწავლება და ლიცენზია მიიღო, რის შემდეგაც თვლის, რომ "სტედიუმ ოფ ლაითზე" საიმონ გრეისონის იდეალური შემცვლელი იქნებოდა.

"სანდერლენდი" მორიგი დაქვეითების საფრთხის წინაშე დგას, ვინაიდან ჩემპიონშიპში გუნდი ბოლო ადგილს იკავებს 16 ტურის შემდეგ, გუნდის მთავარი მწვრთნელი კი გასულ თვეში გააძევეს.

როცა ჟურნალისტებმა იორკს ჰკითხეს, დაინტერესებული იყო თუ არა ამ სამუშაოთი, მან უპასუხა: "კლუბის აღმასრულებელ დირექტორთან კონტრაქტის დამყარება ვცადე და 1-2 შეტყობინება დავუტოვე, რათა გამეგო, იყო თუ არა უკან დაბრუნება შესაძლებელი.

ამ ადგილს რაღაც ახალი, რაღაც ამაღელვებელი ესაჭიროება. ასეთი გამოცდილება ხომ უკვე აქვთ, ეს ადრეც სცადეს და არ გაამართლა. ახლა რატომ არ უნდა გადააბარო ეს საქმე იმას, ვინც მონდომებულია და ღრმად სწამს, რომ საქმეს თავს გაართმევს?

ამაზე კვლავ ვაგრძელებ მუშაობას და ვნახოთ, რას მივაღწევ".