მარკოს როხო ოთხშაბათს "მანჩესტერ იუნაიტედის" სარეზერვო გუნდის შემადგენლობაში ითამაშებს, დიდ ფეხბურთს კი ჩემპიონთა ლიგის ჯგუფურ ეტაპზე მოსკოვის ცსკა-ს წინააღმდეგ გასამართ მატჩში შეიძლება დაუბრუნდეს.
როხო აპრილის შემდეგ ვერ ახერხებს თამაშს, რადგან ევროპა ლიგის ეგიდით "ანდერლეხტთან" გამართულ შეხვედრაში მიღებული მძიმე ტრავმა ვერ მოიშუშა.
მაგრამ არგენტინელს იმედი აქვს, რომ ერთ ტაიმს ითამაშებს სარეზერვო გუნდის შემადგენლობაში, ამის შემდეგ კი 5 დეკემბერს ცსკა-სთან მატჩში იასპარეზებს და თუ ყველაფერი კარგად წავა, ხუთი დღის შემდეგ მანჩესტერული დერბისთვისაც უნდა იყოს მზად.
"დღეს რეზერვების ამხანაგურ შეხვედრაში ვითამაშებ. თავს კარგად ვგრძნობ, მაგრამ ვარჯიში ისეთი არ არის, როგორც მატჩი, ამიტომ დღეს 45 წუთი ვითამაშებ. სამ კვირაში ჩემპიონთა ლიგის შეხვედრაა და თუ ყველაფერი კარგად იქნება, იქაც ვითამაშებ", - განაცხადა როხომ.
ახალი ამბები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.