უეინ რუნიმ განაცხადა, რომ მან პირადად თქვა უარი პენალტების შესრულებაზე და არა სერ ალექს ფერგიუსონმა. ინგლისელმა თავდამსხმელმა აღირა, რომ „ვესტ ჰემთან“ მატჩის შემდეგ იგი მივიდა სერ ალექს ფერგიუსონთან და სთხოვა, რომ პენალტები რობინ ვან პერსის შეესრულებინა: „სიმართლე რომ გითხრათ, ეს ჩემი გადაწყვეტილება იყო. გავესაუბრე სერ ალექს ფერგიუსონს და ვთხოვე, რომ თერთმეტმეტრიანები რობინ ვან პერსის შეესრულებინა. ისეთი გუნდისთვის, როგორიცაა „მანჩესტერ იუნაიტედი“ მიუღებელია ასეთი შანსის ვერ გამოყენება“. - განაცხადა უეინ რუნიმ Manutd.com-თან.
ინგლისელმა თავდამსხმელმა ასევე აღნიშნა გაზონის ცუდი მდგომარეობა „ოლდ ტრაფორდზე“ და განაცხადა: „რა თქმა უნდა ცუდია, როდესაც ასეთ მინდორზე თამაშობ. თქვენ გსურთ, რომ გქონდეთ უკეთესი ხარისხის გაზონი, რადგან ძნელია კარგი თამაშის ჩვენება ისეთ მოედანზე, როგორიც ჩვენ გვაქვს. ამას ცუდი არაფერი მოჰყოლია, თანაც ჩვენ 3 ქული მოვიპოვეთ. იმედი მაქვს ეს პრობლემა მალე გამოსწორდება“.