"მანჩესტერ იუნაიტედის" ნახევარმცველი, მარუან ფელაინი, დიდი ალბათობით კლუბს დატოვებს და "ბეშიქთაშში" გადავა.

ბელგიელი ჟოზე მოურინიოს გუნდის ერთ-ერთი მნიშვნელოვანი ფიგურაა, მაგრამ ჯერ კიდევ ვერ მიიღო კონტრაქტი, რომელიც მის მოთხოვნებს შეესაბამება.

გამომდინარე იქიდან, რომ 29 წლის ფეხბურთელის მოქმედი კონტრაქტი მიმდინარე სეზონის ბოლოს იწურება, "ოლდ ტრაფორდის" მკვიდრები იძულებულნი არიან, იანვარში განშორდნენ მას, რათა სეზონის ბოლოს თავისუფალი აგენტის სტატუსით არ დაკარგონ.

გასულ კვირას პრესაში გავრცელდა ინფორმაცია, რომ სანამ მოურინიოს იანვარში ვინმეს შეძენას ეცდება, ჯერ არსებულ ფეხბურთელებს უნდა განშორდეს, ფელაინი ამ უკანასკნელთა შორის პირველია.

კონტრაქტთან დაკავშირებული გაურკვევლობის ჟამს ფელაინი დროს უქმად არ კარგავდა და მოლაპარაკებებს აწარმოებდა "ბეშიქთაშთან". "ევერტონის" ყოფილი ნახევარმცველის მოლოდინით, "წითელი ეშმაკები" მის გაყიდვას 8 მილიონი ფუნტის სანაცვლოდ დათანხმდებიან.



"იუნაიტედი" კი უკვე მუშაობის ფელაინის შემცვლელის პოვნაზე და ერთ-ერთ კანდიდატურად განიხილავს დონეცკის "შახტარის" ნახევარმცველ ფრედს, რომელსაც ევროპის რამდენიმე კლუბი აკვირდება.

თავდაპირველად 24 წლის ბრაზილიელის წარმომადგენლები მათ კლიენტს ლა ლიგაში ეპატიჟებოდნენ, სადაც ფრედის სამსახურით "სევილია" და "ვალენსია" არიან დაინტერესებულნი, მაგრამ პრემიერ ლიგაში გადასვლის შესაძლებლობა მათთვის გაცილებით მიმზიდველია.

წყარო: mirror