გუშინ გაიმართა უეფას ეგიდით ჩატარებული ამხანაგური შეხვედრები, სადაც ერთმანეთს ბელგიისა და მექსიკის ნაკრებები დაუპირისპირდნენ, ამ შეხვედრაში თავი დუბლით "იუნაიტედის" შემტევმა რომელუ ლუკაკუმ გამოიჩინა.

ამ გატანილი 2 გოლით ლუკაკუმ, ბელგიის ნაკრებში ისტორია დაწერა და 24 წლის ასაკში ეროვნული ნაკრების საუკეთესო ბომბარდირებს ბერნარდ ვურჰოფს და პოლ ვან ჰიმსტს გაუთანაბრდა 30 გატანილი გოლით, ამ მაჩვენებლის მისაღწევად მას ნაკრებში 61 მატჩის ჩატარება დასჭირდა.

ალბათ ეჭვი არავის ეპარება იმაში, რომ რომელუ სულ მალე შეძლებს გახდეს ბელგიელების საუკეთესო ბომბარდირი მათი ნაკრების არებობის ისტორიაში, ის სულ რაღაც 24 წლის არის და მთელი კარიერა წინ აქვს, მომდევნო ამხანაგურ შეხვედრას რომელუს ნაკრები იაპონიის წინაღმდეგ ჩაატარებს, სადაც მას ექნება შესაძლებლობა ეს რეკორდი ერთპიროვნულად მიითვისოს.

ცნობისთვის ბელგიის ნაკრებმა მსოფლიო ჩემპიონატის საკვალიფიკაციო ეტაპი წარმატებით გადალახა და რუსეთში გასამართ 2018 წლის მსოფლიო ჩემპიონატზე გამგზავრებას შეძლებს.

წყარო: goal.com