გასულ სეზონში მიღებული ტრავმის შემდეგ, "იუნაიტედის" შვედი ფორვარდი ზლატან იბრაჰიმოვიჩი, ძირითად გუნდში დასაბრუნებლად ძალებს არ იშურებს, სულ მალე კი შეძლებს მოედანს დაუბრუნდეს და გუნდს დაეხმაროს წარმატების მიღწევაში.

მოგეხსენებათ წლევანდელ სეზონში "იუნაიტედმა", კიდევ ერთი ფორვარდი რომელუ ლუკაკუ "ევერტონიდან" დაიმატა, ხოლო საინტერესოა რა ტაქტიკას აირჩევს მოურინიო ზლატანის დაბრუნების შემთხვევაში, აქედან გამომდინარე შესაძლოა, წითელი ეშმაკების დამრიგებელმა ჟოზე მოურინიომ შვედის როლი გუნდში შეცვალოს.

როგორც Manchester Evening News იტყობინება, პორტუგალიელი სპეციალისტი მზად არის ზლატანი გამთამაშებლად გამოიყენოს სტრატეგიულ სქემაში, გამომდინარე იქიდან, რომ შვედი გასულ სეზონში ხშირად ცდილობდა მოედნის სიღრმეში ემოძრავა, ბურთის მოსაპოვებლად და შეტევის სათანადო განვითარების დასაწყებად.

საინტერესოა თუ რა ტაქტიკას აირჩევს მოურინიო, მას შეუძლია იბრაჰიმოვიჩი ლუკაკუსთან ერთად 3-5-2 სქემაში გამოიყენოს, ასევე შეცვალოს ტაქტიკა და მათი ტანდემი 4-2-3-1 ტაქტიკურ მონახაზშიც შექმნას.


წყარო: euro-football.ru