რომელუ ლუკაკუმ მარკუს რეშფორდს თავისი მანჩესტერული ოცნება გაუმხილა, როცა ახალგაზრდა თავდასხმელი სახლში ეწვია.

მეზობლად მცხოვრებმა თანაგუნდელებმა კარგი ურთიერთობა ჩამოაყალიბეს, მიუხედავად იმისა, რომ ისინი გარკვეულწილად ერთმანეთის კონკურენტებადაც ითვლებიან.

ლუკაკუს კი მიაჩნია, რომ მათ ერთმანეთის დახმარება შეუძლიათ და 20 წლის მანჩესტერელს თავისი ამბიციები გაუმხილა.

"მასში ბევრ ისეთ უნარს ვხედავ, რომელიც მე დამეხმარება და ვფიქრობ, მეც აქვს უნარები, რომლებიც მას დაეხმარება.

"სუონსისთან" მატჩის შემდეგ თავის ძმასთან ერთად ჩემს სახლში მოვიდა, სადილობისას კი მკითხა: "რას ელი ამ სეზონისგან?" ჩემთვის ეს ადვილია.

ვუთხარი, შენ თუ შეჭამ, მეც შევჭამ-მეთქი. თუ გაიტან გოლს, ვიცი, რომ სივრცე მეც მექნება საგოლე გადაცემის გასაკეთებლად ან გასატანად.

თუ მე გავიტან, შენ გექნება სივრცე. ასეთი უნდა იყოს მენტალიტეტი. არ ვარ ეგოისტი ბიჭი.

ყველაზე მნიშვნელოვანი გუნდია. აქ პრემერ ლიგის, ტიტულების მოსაგებად მოვედი და არა იმისთვის, რომ ინდივიდუალური მოთამაშე ვიყო.

აქ მოვედი, რომ თქვენ და გუნდს რაღაცის მიღწევაში დავეხმარო. როცა ისეთ სიტუაციაში ვარ, რომ არ მჯერა, 100%-ით გოლს გავიტან, მინდა, რომ შენც იქვე იყო და პასი მოგცე, შენ კი გაიტანო.

როგორც კი ეს ვუთხარი, ყველა თამაშში გატანა დაიწყო, ვარჯიშებზე მის საშემსრულებლო და ფეხბურთელების მოტყუების უნარს ვაკვირდებოდი.

ამისგან სარგებლის მიღებას ვცდილობ, მაგრამ ამას მართლაც ბუნებრივად აღვიქვამთ. ჩვენ ბევრს ვლაპარაკობთ, მაგრამ არასდროს ვაჭარბებთ ლაპარაკს ფეხბურთზე. ვსაუბრობთ ცხოვრებაზე, მუსიკაზე, ვთამაშობთ ვიდეო თამაშებს.

ჩემგან 100 იარდის დაშორებით ცხოვრობს, რაც საქმეს ამარტივებს. ასეთი ბიჭის ყოლა - რომელიც კონკურენტუნარიანი და ლიდერობის მენტალიტეტი აქვს - ძალიან ეხმარება გუნდს".

წყარო: M.E.N.