"ჩელსის" მფლობელმა რომან აბრამოვიჩმა ჟოზე მოურინიო "სტემფორდ ბრიჯზე" დღეს გასამართი მატჩის შემდეგ სადილზე დაპატიჟა.

ჯერჯერობით უცნობია, "მანჩესტერ იუნაიტედის" მწვრთნელს მიიღებს თუ არა შეთავაზებას, მაგრამ ეს წინადადება იმ დროს წამოვიდა, როცა ანტონიო კონტე ზეწოლის ქვეშ იმყოფება.

აბრამოვიჩმა ორჯერ დანიშნა და გაათავისუფლა მოურინიო "ჩელსის" მთავარი მწვრთნელის პოსტიდან, თუმცა ლონდონში მუშაობის პერიოდში პორტუგალიელმა კლუბის ყველაზე წარმატებული მწვრთნელის სახელი დაიმკვიდრა პრემიერ ლიგისა და ლიგის თასის სამჯერ, ხოლო ინგლისის თასის ორჯერ მოგებით.

მოურინიოს ოჯახი ჯერ კიდევ ლონდონში ცხოვრობს, ხოლო თვითონ მანჩესტერში სასტუმრო "ლოურიში" დაბინავდა.

ეს უბრალოდ მეგობრული დაპატიჟებაა აბრამოივჩის მხრიდან, თუმცა მოურინიო უარყოფს, რომ "ჩელსის" მფლობელთან ახლო ურთიერთობა აკავშირებს.

"ჩვენ არასოდეს ვყოფილვართ მეგობრები. მხოლოდ მფლობელისა და მწვრთნელის ურთიერთობა გვქონდა. პატივისცემით სავსე ურთიერთობა. მაგრამ ახლოს არასდროს ვყოფილვართ", - განაცხადა მოურინიომ.

ფიქრიც კი არ ღირს იმაზე, რომ მოურინიო მესამეჯერ ჩაიბარებს "ჩელსის", ვინაიდან მან წელიწადნახევარი შეალია თავისი "იუნაიტედის" შენებას, რომლითაც უკვე მოიგო ევროპა ლიგა და ლიგის თასი, წელს კი უფრო მაღალ მიზნებს ისახავს.

წყარო: thesun