ჟოზე მოურინიომ გულშემატკივრებისთვის მხრიდან გუნდის მხარდაჭერის მნიშვნელობაზე ისაუბრა "ჩელსისთან" გასვლითი მატჩის წინ, სადაც "იუნაიტედი" ეცდება ზედიზედ მეოთხე გამარჯვება მოიპოვოს სუონსის, ბენფიკასა და ტოტენჰემის დამარცხების შემდეგ.

მატჩის წინა პრესკონფერენციის დროს გუნდის თავკაცმა აღნიშნა, რომ მას არ შეუძლია ყველა გულშემატკივარს პირადად აუხსნას თუ რაოდენ მნიშვნელოვანია მათი მხარდაჭერა გუნდისთვის:

"ვერ მოვახერხებ რომ "იუნაიტედის" ყველა გულშემატკივარს პირადად შევხვდე“ - განაცხადა გუნდის თავკაცმა მატჩისწინა პრესკონფერენციაზე. "მგონი პლანეტის მეოთხედი "მანჩესტერს" გულშემატკივრობს, შესაბამისად, არა მგონია თითოეულ მათგანთან პირადად შეხვედრა და საუბარი შევძლო.

"ერთადერთი რამ, რაც მათთვის შემიძლია გავაკეთო არის ის, რასაც მანჩესტერში მოსვლის პირველივე დღიდან ვაკეთებ - ვიბრძოლო კლუბის წარმატებისთვის, ჩავდო ამაში მთელი ჩემი ენერგია და რესურსი, გავამხნევო და გვერდით დავუდგე ჩემს ფეხბურთელებს. ეს მათაც ძალიან სჭირდებათ და მეც, რადგან ჩვენ ყველანი ძალიან ბევრს ვიბრძვით და ვშრომობთ წარმატების მისაღწევად. ესაა ერთადერთი, რაც ჩვენს გულშემატკივრებს შემიძლია ვუთხრა და დავპირდე."

ბოსმა აგრეთვე ისაუბრა იმ ფაქტზეც, თუ რა მალე დაივიწყა პრესამ მისი გუნდის სანახაობრივი და სასიამოვნო თამაში სეზონის დასაწყისში, რითაც ის ერთერთი საუკეთესო იყო პრემიერ ლიგაში, სანამ გუნდს უხვი ტრამვები შეაწუხებდა.

"მგონი ჩემი ბრალია ყველა თამაშის წინ რომ არ ვტიროდი და ვწუწუნებდი ტრამვირებულ ფეხბურთელებზე, რომ ყოველ დღე და ყოველ პრესკონფერენციაზე ხაზს არ ვუსვამდი გუნდში ტრამვირებული ფეხბურთელების მნიშვნელობას" - განახცადა ჟოზემ.

"ნებისმიერი სხვა მწვრთნელი გაუთავებლად ისაუბრებდა პოგბას ტრამვაზე, თუ რაოდენ დიდი დანაკლისია ეს გუნდისთვის. მაგრამ მე ასე არ ვიქცევი, მე ამ თემაზე მარტო მაშინ ვაკეთებ კომენტარს როცა თქვენ მეკითხებით რამეს. მაგრამ საქმე მარტო პოგბაში არაა, მის გარდა კიდევ გვაკლია ფელაინი, კერიკი, იბრაგიმოვიჩი და როხო - საკმაოდ დიდი და მნიშვნელოვანი გჯუფი ფეხბურთელებისა.

"ჩემი აზრით, ამ სიტუაციის გათვალისწინებით საკმაოდ კარგად ვთამაშობთ. ვფიქრობ რომ ჟურნალისტებს და სპეციალისტებს ძალიან კარგად ახსოვთ თუ როგორ ფეხბურთს ვთამაშობდით სეზონის დასაწყისში, არ უნდათ რომ ახსოვდეთ მაგრამ დამიჯერეთ, ეს ყველას ახსოვს. ახლა მათ პრეტენზიები აქვთ რომ ჩვენ ვერ გაგვაქვს საოცარი გოლები და ვერ ვაჩვენებთ საოცარ თამაშს, მაგრამ კიდევ ერთხელ მივმართავ მათ, გაიხსენონ როგორები ვიყავით სეზონის დასაწყისში, ტრამვების გარეშე.

"რა თქმა უნდა გვაკლია და გვენატრება ჩვენი ფეხბურთელები, მაგრამ მათ გარეშეც ჩაგვიტარებია დიდი მატჩები და კიდევ ერთხელ მოგვიწევს ამის გაკეთება." - განაცხადა მაურინიომ.

წყარო: www.manutd.com