ენტონი მარსიალი "მანჩესტერ იუნაიტედის" გულშემატკივრებმა ოქტომბრის საუკეთესო ფეხბურთელად დაასახელეს.

ეს ერთ-ერთი ყველაზე რთულად გასარკვევი გამარჯვებული იყო, ვინაიდან მარსიალმა მხოლოდ ერთი პროცენტით აჯობა დავიდ დე ხეას, რომელმაც 48% მიიღო გამოკითხულთა ხმებისა, ხოლო მესამე ადგილზე კრის სმოლინგი გავიდა.

სექტემბერში პრიზის მოპოვების შემდეგ ფრანგმა კვლავ განაგრძო წარმატებით ასპარეზობა და მომდევნო თვეშიც დაეუფლა ინდივიდუალურ ჯილდოს, ხოლო აგვისტოში მისი თანამემამულე, პოლ პოგბა იყო გულშემატკივართა რჩეული.

მარსიალმა - რომელუ ლუკაკუს შემდეგ კლუბის საუკეთესო ბომბარდირმა - უკვე მეოთხეჯერ იმარჯვა აღნიშნულ გამოკითხვაში. პირველი ორი ასეთი შემთხვევა 2015/16 წლების სეზონში დეკემბერსა და მაისში მოხდა.