"მანჩესტერ იუნაიტედის" ამომავალმა ვარსკვლავმა, სკოტ მაკტომინეიმ შოტლანდიის ნაკრების რიგებში დებიუტის შანსი ხელიდან გაუშვა.

20 წლის ნახევარმცველს შოტლანდიის არცერთ ასაკობრივ დონეზე არ უთამაშია, მაგრამ ამჯერად მას შანსი მისცეს, რომ მომდევნო კვირას ჰოლანდიის ნაკრების წინააღმდეგ ამხანაგურ შეხვედრაში ეთამაშა.

თუმცა, ლანკასტერში დაბადებულმა ახალგაზრდამ შეთავაზება არ მიიღო, რადგან ინგლისის ნაკრებისგან მიწვევის იმედი აქვს.

6 ფუტისა და 4 ინჩის სიმაღლის ფეხბურთელმა თავისი პირველი მატჩი "იუნაიტედის" შემადგენლობაში "კრისტალ პალასის" წინააღმდეგ მაისში ჩაატარა, წინა კვირაში ქარაბაო თასზე "სუონსის" წინააღმდეგ ითამაშა.

ჟოზე მოურინიომ მას ნდობა შემდეგშიც გამოუცხადა და სრული მატჩი ჩაატარებინა "ბენფიკასთან" შეხვედრაში. ამ მატჩებს კი ხშირად ესწრებოდნენ შოტლანდიის 21-წლამდელთა ნაკრების მწვრთნელი სკოტ ჯემილი და ეროვნული ნაკრების დროებითი მწვრთნელი მალკი მაკქეი, რომლებიც ცდილობდნენ დარწმუნებას "ოლდ ტრაფორდის" აღზრდილის შესაძლებლობებში, რათა სკოტის მამის მშობლიურ ნაკრებში სათამაშოდ მიეწვიათ.

მოლაპარაკებები ფეხბურთელთანაც შედგა და მის ოჯახთანაც, მაგრამ ორივესგან უარყოფითი პასუხი მიიღეს. თუმცა, შოტლანდიის საფეხბურთო ფედერაცია დანებებას არ აპირებს და ეცდება, რომ მაკტომინეი შოტლანდიის ნაკრებში ასპარეზობის უპირატესობაში დაარწმუნოს.

წყარო: thescottishsun