"მანჩესტერ იუნაიტედის" მთავარი მწვრთნელი ჟოზე მოურინიო მოიცდის, სანამ "ჩელსისთან" მატჩისთვის თავის გეგმებს დააწყობს.

მწვრთნელმა აღნიშნა, რომ მომდევნო ორ დღეში არსებობს რამდენიმე ტრავმირებული ფეხბურთელის დაბრუნების შანსი, ასეთი კი მაიკლ კერიკი, მარუან ფელაინი, ზლატან იბრაჰიმოვიჩი, პოლ პოგბა და მარკოს როხო არიან.

გარდა ამისა, ჩემპიონთა ლიგის ეგიდით "ბენფიკას" წინააღმდეგ გამართულ შეხვედრაში წელი დაიზიანა ჯესი ლინგარდმა. ნახევარმცველს, რომელმაც 2016 წელს "ლურჯების" წინააღმდეგ გასვლაზე ფრედ ნათამაშებ შეხვედრაში გაიტანა გოლი, მოედანზე გასვლის იმედი ექნება.

"ცოტა უნდა მოვიცადო," უპასუხა მწვრთნელმა, როცა 6 ტრავმირებული ფეხბურთელის შესახებ ჰკითხეს. "ჩვეულებრივ, პრესკონფერენციას პარასკევს ვმართავთ, ამიტომ მთელი პარასკევი და შაბათი დღე წინაა. ძალიან ოპტიმისტურად არ ვარ განწყობილი, მაგრამ მოტყუება არ მინდა. არ მინდა, დაწეროთ, რომ მოგატყუეთ, თუკი გეტყვით, რომ არავის გამოჯანმრთელების შანსი არ არის - ასე რომ, ვამჯობინებ გითხრათ, ორ დღეში დავადასტურებ ჩემს მოლოდინს."

"ჩელსის" რიგებში შეიძლება დაბრუნდეს გუნდის ერთ-ერთი წამყვანი ფიგურა, ნ'გოლო კანტე, რომელსაც 2 გოლი აქვს გატანილი "იუნაიტედის" წინააღმდეგ. თუმცა, "ლურჯებს" ვიქტორ მოზესი დააკლდებათ.

"იუნაიტედს" პრემიერ ლიგის ეგიდით "სტემფორდ ბრიჯზე" ბოლო დროს ძალიან ცუდი მაჩვენებელი აქვს, მაგრამ მოურინიოს ყოფილი გუნდის წინააღმდეგ სათამაშოდ პოზიტიური განწყობით გავლენ.

"დიდი მოვლენაა, რადგან დიდი მატჩი და დიდი მეტოქეა. ისინი ჩემპიონები არიან და ამის გამო ქვეყნის დიდი გუნდების მატჩები შედგება. მაგრამ ემოციური კუთხით უბრალოდ მორიგი შეხვედრაა."