"იუნაიტედის" ლეგენდარული შვედი თავდამსხმელი, იმ მიზნებზე საუბრობს რომელიც მას 'იუნაიტედთან" აკავშირებს და რომლის მიღწევასაც მიმდინარე სეზონში გეგმავს წითელ ეშმაკებთან ერთად.

მცირე ექსკურსი რომ გააკეთოთ გეტყვით, რომ შვედს სეზონის დებიუტი კარგი ქონდა, მისი თაოსნობით "იუნაიტედმა" გასულ სეზონში 3 ტიტულის მოგება შეძლო, ხოლო ამის შემდეგ მას ძალიან მძიმე ტრავმის გადატანა მოუხდა, რაც მის ასაკში ნამდვილად ძნელი იყო, საფეხბურთო ექსპერტები იმასაც მოიაზრებდნენ რომ იბრაჰიმოვიჩის კარიერა ამით დასასრულს უახლოვდებოდა, თუმცა მოლოდინი არ გამართლდა და ზლატანმა "იუნაიტედთან" კიდევ ერთწლიან კონტრაქტს მოაწერა ხელი.

შეგახსენებთ მან ტრავმა ევროპა ლიგის ეგიდით გამართულ შეხვედრაში მიიღო "ანდერლეხტის" წინააღმდეგ, სადაც მუხლის ჯვარედინი იოგები გაიწყვიტა უწყინარ სიტუაციაში.

"მე დავბრუნდი "იუნაიტედში" დაწყებული საქმის დასამთავრებლად, ჩემი თაოსნობით გუნდმა პირველივე სეზონში შეძლო 3 ტიტულის მოპოვება, ხოლო სეზონის დასასრული ჩემთვის არ იყო ისეთი როგორიც მე მინდოდა.

ჩემი უმთავრესი მიზანი პრემიერ ლიგის მოგებაა, რომელიც ვერ მოვახერხე პირველ სეზონში, საჭიროა ვცადო მეორედ".- იუწყება Sky Sports.