გასულ სეზონში ევროპა ლიგაზე "მანჩესტერ იუნაიტედის" წინააღმდეგ ჩატარებული ორი კარგი მატჩის შემდეგ ლინდერ დენდონკერი ჟოზე მოურინიოს სატრანსფერო სამიზნე გახდა ზაფხულის განმავლობაში.

ყოველ შემთხვევაში, ბელგიური გაზეთების უმეტესობა ამას ამტკიცებს.

"დე მორგენი" იყო ერთ-ერთი გამოცემა, რომელიც აცხადებდა, რომ დაცვითი ნახევარმცველი "განსაკუთრებულის" სიაში მაღალ საფეხურზე იმყოფებოდა, თუმცა 22 წლის ფეხბურთელის თაობაზე შეთავაზება არასდროს გაკეთებულა და ვერც იმას ვიტყვით, რომ "ანდერლეხტს" სურდა მისი გასხვისება, ვინაიდან იური ტილემანსის სახით უკვე დაკარგეს გუნდის ერთ-ერთი ლიდერი.

გამოსასყიდ თანხად იხსენებოდა 38 მილიონი ევრო და დენდონკერის ირგვლივ აგორებულმა საგამ ფეხბურთელის სათამაშო ხასიათსა და ხარისხზე მოახდინა გავლენა, რადგან მისი გონება უკვე სხვაგან იყო.

ამ ყველაფრის უკან მოტოვების შემდეგ, მინიმუმ იანვრამდე მაინც, ბელგიელი ახალგაზრდა გულახდილად საუბრობს "ოლდ ტრაფორდზე" შესაძლო გადასვლაზე.

"რაიმე კონკრეტული რომ ყოფილიყო, როგორც ამას ამბობდნენ, ნებისმიერ ფასად რომ მოენდომებინათ ჩემი შეძენა, მე უკვე იქ ვიქნებოდი. როცა "ანდერლეხტის" რიგებში თამაშობ და იქ გადასვლის შანსი გაქვს, ყოყმანი საჭირო არ არის, მაგრამ "ანდერლეხტსაც" ჰქონდა თავისი სათქმელი და ამაზე ყველა უნდა შეთანხმებულიყო.

მათ მიერ მოთხოვნილი თანხა რომ გადაიხადოს, კლუბი მართლაც უნდა ინტერესდებოდეს ფეხბურთელით. "ანდერლეხტმა" დიდი თანხა იმიტომ მოითხოვა, რომ იცოდნენ, რთული იქნებოდა მისი გადახდა და წელიწადის იმ დროს ეს თანხა გადაჭარბებულს არ ჰგავდა", - განაცხადა დენდონკერმა.

წყარო: sportwitness.co.uk