ჟოზე მოურინიო კმაყოფილი დარჩა თავისი გუნდის გამარჯვებით ქარაბაო თასზე "სუონსისთან" მატჩში, რომელმაც "მანჩესტერ იუნაიტედი" მომდევნო ეტაპზე გაიყვანა.

"წითლებმა" შაბათს განცდილ მარცხს 2-0 გამარჯვებით უპასუხეს ჯესი ლინგარდის დუბლის წყალობით და ახლა ელოდებიან სამშაბათის კენჭისყრას, სადაც მათი მომდევნო მეტოქე გაირკვევა ტიტულის დაცვისკენ მიმავალ გზაზე.

ლინგარდის ორი გოლი

"ჯესიმ კარგად და დიდი თავისუფლებით ითამაშა. ვცდილობდით, ზურგიდან კარგი დაცვა აღმოგვეჩინა მისთვის ანდერ ერერას გამოცდილებისა და სკოტ მაკტომინეის ძალისხმევით. ორი თავდამსხმელი ვათამაშეთ დიდი ენთუზიაზმით და ამან კარგი დინამიკა მოგვცა. ტიტულს მაქსიმალურად დავიცავთ და ახლა მეოთხედფინალში ვართ. ესეც ასე, ახლა ბედნიერები ვართ."

პასუხი "ჰადერსფილთან" მარცხზე

"პირველივე წუთებიდან სოლიდურად და პროფესიონალურად მივუდექით საქმეს. მატჩს ყოველთვის ჩვენ ვაკონტროლებდით. გუნდისა და ინდივიდუალური ფეხბურთელების თამაშით მოხარული ვარ."

400 მატჩი ინგლისურ ფეხბურთში

"რა თქმა უნდა, ახლაც ისევე ვღელავ, როგორც პირველ მატჩზე, მაგრამ 2004 წელი დიდი ხნის წინ იყო. ვფიქრობ, ისევ ისეთი ვარ, მაგრამ ახლა უფრო ჩამოყალიბებული და განსხვავებული ხედვა მაქვს მოვლენებისადმი, თუმცა ისევ ის ვარ - გამარჯვება მსურს და მძულს წაგება."

მოხარულია ფეხბურთელების ხედვით

"დიახ, პირველივე წუთებიდან ვგრძნობდით, რომ მატჩში ვიყავით, რამდენიმე კუთხური მოვიპოვეთ, მოედანზე პრესინგს მაღლა ვაწარმოებდით და კარგი იყო."

ძალიან ადვილი იყო?

"არა, არა მგონია. ვფიქრობ, მათ კარგი გუნდი ჰყავთ, ბევრი არჩევანი აქვთ. როგორც მანამდე ვამბობდი, ფეხბურთელებს შორის დიდი განსხვავება არ არის, მაგრამ ჩვენ მართლაც კომფორტულად ვგრძნობდით თავს. მიდგომა ძალიან კარგი იყო. ვფიქრობ, რომერომ და სმოლინგმა დიდი სტაბილურობა შეგვძინეს."