კატალონიის "ბარსელონას" 23 წლის ფრანგი მცველი სამიუელ უმტიტი "იუნაიტედის" რადარზე აღმოჩნდა. გავცელებული ცნობით "წითელი ეშმაკების" თავკაცმა ჟოზე მოურინიომ, საბოლოოდ აიღო ხელი "რეალიდან" რაფაელ ვარანის გადმობირებაზე, ხოლო მისი ყურადღება "ბარსელონას" ფრანგმა მცველმა მიიპყრო, რომელიც წარმატებულად ასპარეზობს კატალონიელთა შემადგენლობაში.
ცნობილი გამოცემა Don Balon-ი იუწყება, რომ 54 წლის სპეციალისტის პირადი სურვილია, უმტიტიმ "იუნაიტედის" ღირსება დაიცვას. რაც შეეხება ფრანგ ფეხბურთელს, მან შესანიშნავი სადებიუტო სეზონი ჩაატარა "ბარსელონას" შემადგენლობაში და ექსპერტების დადებითი შეფასებებიც დაიმსახურა.
მოურინიო თვლის, რომ ფრანგ ფეხბურთელს აქვს შესანიშნავი ფიზიკური შესაძლებლობები შეეგუოს პრემიერ ლიგას და წარმატებით იასპარეზოს ოლდ ტრაფორდზე, ხოლო რაც შეეხება ფეხბურთელის სატრანსფერო ღირებულებას, ის ჯერჯერობით უცნობია.
წყარო: express.co.uk
ჭორები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.