"მანჩესტერ იუნაიტედმა" "ვალენსიასთან" ნახევარმცველის, კარლოს სოლერის ტრანსფერის თაობაზე 30 მილიონ ფუნტიანი მოლაპარაკებები წამოიწყო.

ჟოზე მოურინიოს ესპანეთის 21-წლამდელთა ნაკრების ფეხბურთელი ძალიან მოსწონს და სურს, რომ ტრანსფერი მომდევნო სეზონის დაწყებამდე შედგეს.

სეზონის ბოლოს მარუან ფელაინი, ანდერ ერერა და მაიკლ კერიკი თავისუფალი აგენტები გახდებიან, ვინაიდან მათი მოქმედი კონტრაქტის ვადა იწურება, თუმცა ჯერ კიდევ შესაძლებელია მათთან ახალი შეთანხმების მიღწევა.

20 წლის სოლერს კი მოურინიო პოლ პოგბასა და ნემანია მატიჩის გრძელვადიან პარტნიორად მოიაზრებს მოლაპარაკებებს უკვე აწარმოებს "ღამურებთან", რათა სატრანსფერო ფანჯრის გახსნის შემდეგ დიდ კონკურენციას არ წააწყდეს.

"ვალენსიას" სარეზერვო გუნდიდან პირველ გუნდში გადასვლის შემდეგ, სოლერი ორი წელია, რაც რეგულარულად ასპარეზობს ლა ლიგაში, მისი გამოსასყიდი თანხა კი 75 მლნ. ფუნტია, რისი გადახდის შემთხვევაშიც ესპანური კლუბი უყოყმანოდ მიიღებს ფეხბურთელის გაყიდვის გადაწყვეტილებას.

წყარო: thesun