"მანჩესტერ იუნაიტედის" მთავარმა მწვრთნელმა ჟოზე მოურინიომ ერიკ ბაიის შესახებ ახალი ინფორმაცია გაავრცელა.

პარასკევს გამართულ პრესკონფერენციაზე მოურინიომ "ჰადერსფილდთან" 46 წლის განმავლობაში პირველად ჩასატარებ შეხვედრასა და "იუნაიტედის" ფეხბურთელების მდგომარეობაზე ისაუბრა.

მისი თქმით, მარკუს რეშფორდი "ჯონ სმიტ სტედიუმზე" ითამაშებს, ხოლო ბაიის კი მომდევნო მატჩისთვის ელის, როცა "იუნაიტედი" "სუონსის" "ქარაბაო თასზე" ეწვევა, შემდეგ კი "ტოტენჰემს" უმასპინძლებს.

"ჩემი მოლოდინით ბაიი მომდევნო კვირაში უნდა დაბრუნდეს", - განაცხადა მწვრთნელმა.

წყარო: manutd.com