"წითლები" სასტუმროში შეიკრიბნენ.
"ჰადერსფილდთან" მატჩის წინ "მანჩესტერ იუნაიტედის" ფეხბურთელები სასტუმრო "ლოურიში" შეიკრიბნენ, სადაც ჰენრიხ მხითარიანი არ შეუმჩნევიათ.
როგორც წესი, მხითარიანი, ენტონი მარსიალი, დეილი ბლინდი და ჟოელ პერეირა სასტუმროსთან ახლოს ცხოვრების გამო თანაგუნდელებს მოგვიანებით უერთდებიან, მაგრამ ამჯერად სომეხის გარდა ყველა გუნდთან ერთად მივიდა.
მიმდინარე სეზონში ჰენრიხს ყველაზე მეტი მატჩი აქვს ჩატარებული "იუნაიტედის" შემადგენლობაში და ამას ემატება მიმდინარე თვეში ნაკრების რიგებში ორჯერ ასპარეზობაც, რაც შესაძლოა განაპირობებდეს მის დასვენებას "სუონსისთან" "ქარაბაოს თასის" მატჩისთვის.
"იუნაიტედის" დადასტურებული შემადგენლობა:დე ხეა, რომერო, პერეირა; ვალენსია, ლინდელიოფი, სმოლინგი, დარმიანი, ბლინდი, ჯონსი, იანგი, ტუანზებე, მაკტომინეი, ერერა, მატიჩი, მატა, ლინგარდი, მარსიალი, რეშფორდი, ლუკაკუ.