თუკი ანდერ ერერასთან ახალი კონტრაქტის პირობების შეთანხმება არ მოხერხდება, "მანჩესტერ იუნაიტედი" აამოქმედებს პუნქტს, რომელიც ესპანელის კონტრაქტის ვადის 12 თვით ავტომატურ გაგრძელებას გულისხმობს.
2014 წელს ბილბაოს "ატლეტიკიდან" 28.8 მილიონ ფუნტად შეძენილ ფეხბურთელს კლუბში დარჩენა სურს და თავის მხრივ "იუნაიტედიც" გრძელვადიან კონტრაქტს სთავაზობს.
თუმცა, ჯერ კიდევ არ ხერხდება ახალი კონტრაქტის გაფორმება, ამიტომ არსებობს საფრთხე, რომ სეზონის ბოლოს ერერა თავისუფალი აგენტი გახდეს და სხვა კლუბებთან უფასო ტრანსფერზე აწარმოოს მოლაპარაკებები, რის აღკვეთასაც კლუბი ზემოაღნიშნული ქმედებით აპირებს.