მესუთ ოზილმა "არსენალში" თავის თანაგუნდელებს განუცხადა, რომ "მანჩესტერ იუნაიტედში" გადასვლას აპირებს.
გერმანელი, რომელსაც სეზონის ბოლოს მოქმედი კონტრაქტი ეწურება და თავისუფალი აგენტი გახდება, ჟოზე მოურინიოსთან გაერთიანებას აპირებს.
თუმცა, "არსენალი" ზაფხულამდე არ მოიცდის და ოზილს იანვარშივე გაყიდის.
ფლეიმეიქერი "სანტიაგო ბერნაბეუზე" მადრიდის "რეალში" ყოფნისას მუშაობდა მოურინიოსთან და მას შემდეგ ახლო ურთიერთობას ინარჩუნებს პორტუგალიელთან.
მესუთის გადაბირებით კი მოურინიო ფიქრობს, რომ პრემიერ ლიგის მოსაგებად საკმარისად კარგ გუნდს შექმნის, თუმცა მიუხედავად შესაძლო უფასო ტრანსფერისა, ოზილის გადაბირების შემთხვევაში "იუნაიტედს" მოუწევს საკმაო ხარჯები გასწიოს ფეხბურთელის ხელფასზე.
არსებობს შესაძლებლობა, რომ "მეთოფე" კვირაში 300 ათას ფუნტს მოითხოვს, მაგრამ "იუნაიტედს" იმდენად სურს "ოლდ ტრაფორდზე" ჩვეული ძლიერი გუნდის ჩამოყალიბება, რომ გერმანელის მოთხოვნილებებს არ შეუშინდება.
წყარო:
thesun