ჩემპიონთა ლიგის მესამე ტურის შეხვედრაში, "იუნაიტედმა" "ბენფიკა" სტუმრად რეშფორდის გატანილი გოლის წყალობით დაამარცხა, ამ უკანასკნელმა თამაშის ბოლომდე დასრულება ვერ შეძლო, შეხვედრის 76 წუთზე მისი ჩანაცვლება მოურინიომ მარსიალით გადაწყვიტა.

როგორც ჩანს რეშფორდმა ტკივილი იგრძნო მუხლის არეში, რის შედეგადაც მისი შეცვლა გახდა საჭირო, ამ თემაზე წითელი ეშმაკების თავკაცმა, კლუბის ოფიციალურ არხთან გაკეთებულ ინტერვიუში ისაუბრა.

"სანამ მარკუსთან გასაუბრებას მოვახერხებდი ვიფიქრე, რომ ეს უბრალოდ გადაღლის ბრალი იყო, რომელიც კუნთების დატვირთვამ გამოიწვია, თუმცა მოედნიდან გამოსვლისთანავე როდესაც ვკითხე მას, თუ რა აწუხებდა მიპასუხა, რომ მუხლის არეში ტკივილი იგრძნო და არჩია თავი დაეზღვია, თამაში შეეწყვიტა მანამ სანამ სამედიცინო პერსონალი არ გაარკვევს თუ რა მოხდა, დაველოდოთ სამედიცინო დასკვნას, მისი მუხლის შესახებ წინასწარ ვერაფერს ვიტყვი.

ფილ ჯონსზე გეტყვით, რომ გუშინდელ თამაშში ის სათადარიგო სკამზე იჯდა და მზად იყო გუნდს ნებისმიერ მომენტში დახმარებოდა, თუმცა ამის საჭიროება არ შეინიშნებოდა, ვფიქრობ რომ თუ მან ეს ფორმა შეინარჩუნა "ჰადერსფილდთან" გასამართ შეხვედრამდე, ის აუცილებლად შეძლებს თამაშს, ხოლო რაც შეეხება ერიკ ბაიის, გეტყვით რომ დარწმუნებული არ ვარ ითამაშებს თუ არა შაბათს,მისთვის რთული იქნება ამ შეხვედრაში მონაწილეობის მიღება.

ვიმედოვნებ რომ ჩვენი ტრავმირებული ფეხბურთელები მალე დაგვიბრუნდებიან და თუნდაც "ჰადერსფილდთან" შეხვედრაში დაგვეხმარებიან, მაგრამ დაზუსტებით არაფრის თქმა არ შემიძლია არც ფელაინიზე და არც პოგბაზე."- განაცხადა ჟოზემ MUTV-სთან მიცემულ ინტერვიუში.


წყარო: manutd.ru